Qazaqstan ūlttyq qūramasynyŋ bas bapkerı Stanislav Cherchesov Astanada alǧaş ret baspasöz mäjılısın ötkızdı, dep habarlaidy "Adyrna" ūlttyq portaly Sport24-ke sıltep.
27 mausym küngı jiyn barysynda bapkerge jurnalist Nūrsūltan Qūrman qazaqşa sūraq qoiǧan bolatyn. Alaida Stanislav Cherchesovke BAQ ökılınıŋ qoiǧan saualy ūnamaǧan.
BAQ betterınde taraǧan aqparatta Nūrsūltan Qūrmannyŋ qazaq tılınde joldaǧan alǧaşqy saualdaryn QFF prezidentı Ädılet Barmenqūlov orysşaǧa audaryp berıp otyrǧan.
«Nege orysşa qoimaisyz? Men qazır sızge öz ana tılımde jauap bersem ne bolady? Bıraq ol kezde eşkım tüsınbeidı. Osynyŋ aldynda qazaqşa saualyŋyzdy federasiia prezidentı audaryp berdı, endı ol kısını qaita-qaita äurelemeimın ǧoi. Ötınış jasau bırınşı ret tegın bolady, al keiınnen ondai jürmeidı», – dedı reseilık bapker Stanislav Cherchesov.Jurnalist ärı bloger Nūrsūltan Qūrman Metaratings basylymyna qazaq tılındegı sūraqqa bailanysty kikıljıŋnen keiın futboldan Qazaqstan ūlttyq qūramasynyŋ jaŋa bas bapkerı Stanislav Cherchesovtı keşırgenın aitty. Qūrmannyŋ aituynşa, Stanislav Cherchesov özın būrynǧy Magomed Adievten müldem basqaşa ūstaidy.
«Mümkın, Cherchesov joldan şarşaǧan şyǧar, bıraq ol jurnalistermen söilesudıŋ alǧaşqy minuttarynan-aq olarǧa qarsy şyqty. Bız mūndai mınez-qūlyqqa üirenbegenbız jäne mūndai qarym-qatynas ūnamaidy. Sonymen, Cherchesovke, bızdıŋ komandaǧa sättılık tıleimın!Būl jolǧy jaǧdaidy äzıl retınde qabyldauǧa bolady. Qatelık jasamaityn adam joq. Men ony būl qatelıgı üşın keşıremın. Kelesı joly mūndai jaǧdai qaitalansa, bız basqa şaralardy qabyldaimyz», - dedı Qūrman.Aita keteiık, jaqynda bapker Qazaqstan ūlttyq qūramasynyŋ bas bapkerı Magomed Adievtı almastyrǧan bolatyn.
Ūqsas jaŋalyqtar
