Bügın, 26 qazan künı, Almatyda ötken Premer-liganyŋ soŋǧy turyndaǧy şeşuşı oiyn «Qairat» pen «Astana» arasyndaǧy kezdesu 1:1 esebımen aiaqtaldy. Osy nätijemen almatylyq klub Qazaqstannyŋ 2025 jylǧy chempiony atandy, dep habarlaidy «Adyrna».
Matchtyŋ alǧaşqy taimynda «Astana» şabuylşysy Marin Tomasov eseptı aşyp, elordalyq komandaǧa chempiondyq ümıt syilady. Alaida ekınşı taimda «Qairat» oiyn tızgının öz qolyna alyp, Dastan Sätpaev soqqan goldyŋ arqasynda eseptı teŋestırdı. Kezdesu soŋyna deiın nätije özgermei, chempiondyq taǧdyry osy eseppen şeşıldı.
26 tur qorytyndysy boiynşa «Qairat» 59 ūpai jinap, mausymdy bırınşı orynda aiaqtady. «Astana» 57 ūpaimen ekınşı orynǧa tūraqtasa, üzdık üştıktı 54 ūpai enşılegen «Tobyl» tüiındedı.
Ūqsas jaŋalyqtar
