Qyrǵyzstannyń Osh oblysynyń Nookat aýdanynda sel júrip, bes adam qaza tapty, - dep habarlaıdy “Adyrna” ulttyq portaly 24.kg saıtyna silteme jasap.
Bul týraly Tótenshe jaǵdaılar mınıstrligi, Daǵdarysty basqarý ortalyǵy basshysynyń orynbasary Baızaq Otorbekov rastady dep túsindirildi.
«Jergilikti turǵyndardyń aıtýyna silteme jasaǵan ol, Ábshyr-Ata aýdanynda ózen jaǵasynda demalyp jatqan 6 adamdy sel shaıyp ketkenin, keıin jergilikti turǵyndar bes adamnyń máıitin taýyp alǵanyn aıtty», - delingen materıalda.
Qazir Tótenshe jaǵdaılar mınıstrliginiń qyzmetkerleri sel saldaryn joıý, qaza bolǵandar men zardap shekkenderdiń jeke basyn anyqtaý jumystaryn júrgizýde.
Keshe, juma kúni tús aýa Nookat aýdanynda joıqyn sel boldy. Tolassyz jaýǵan jańbyrdyń saldarynan sel on aýlany basyp, Ábshyr-Ata aýylyndaǵy eki kópirdi zaqymdady. Teskeı-Qojoq aýylynda 15 sharýashylyq pen jergilikti mektep zardap shekti. Qara-Bulaq aýylynda laı aǵyndary kólik pen kópirdi buzyp ketken. Táji-Qyshtaq aýylynda sel jeti aýla men birneshe saraıdy basyp qaldy. Osh-Razzaqov tas jolyndaǵy kópir zaqymdanǵan.
