Qyrǵyzstan sý tasqynynan zardap shekkender qazaqstandyqtarǵa «Járdem kerýeni» atty gýmanıtarlyq júktiń ekinshi bóligin jiberedi, dep habarlaıdy "Adyrna" tilshisi Kaktus.media-ǵa siltep.
Gýmanıtarlyq júk jergilikti sút ónimderinen turady. Jalpy júktiń salmaǵy 144 280 kg.
Bıoaıran - 10 000 l, qaımaq - 14280 qaptama, sary maı - 10 000 l, ósimdik maıy - 10 000 l, irimshik - 20 000 kg, maısyzdandyrylǵan qurǵaq sút - 80 000 kg.
«Gýmanıtarlyq júkti qyrǵyz halqy jınap, Qyrǵyzstan prezıdentiniń rezervtik qorynan qosymsha qarajat bóldi», - delingen habarlamada.
Eske sala keteıik, sáýirdiń 6-sy kúni Qyrǵyzstan prezıdenti Sadyr Japarovtyń tapsyrmasymen Tótenshe jaǵdaılar mınıstri 15 fýrgonǵa 300 tonna júkpen «Járdem kerýeni» gýmanıtarlyq júkti uıymdastyryp, jóneltken bolatyn. Al ol kómek Qazaqstannyń 4 oblysyna taratyldy.
