Türkıstan oblysynda terrorizmdı nasihattady degen küdıkpen tört adam ūstaldy, dep habarlaidy “Adyrna” ūlttyq portaly Ūlttyq qauıpsızdık komitetınıŋ (ŪQK) baspasöz qyzmetıne sıltep.
«26 mausymda Türkıstan oblysynda Ūlttyq qauıpsızdık komitetı prokuraturasymen kelıse otyryp jäne Işkı ıster ministrlıgımen bırlesıp terrorizmdı nasihattady degen küdıkpen Qazaqstannyŋ tört azamatyn ūstady. Aldyn ala mälımet boiynşa, sottaluşylardyŋ bırı şetelde ūzaq uaqyt tūryp, sol jaqta radikaldy dıni ideologiiaǧa qatysy bar boluy mümkın. Tıntu kezınde dıni ädebietter men basqa da zattai aiǧaqtar alyndy», - delıngen beisenbı künı taratqan habarlamada.
QR Qylmystyq kodeksınıŋ 256-babynyŋ 1 jäne 2-bölıgı (terrorizmdı nasihattau nemese terrorizm aktısın jasauǧa jariia şaqyru) boiynşa qylmystyq ıs qozǧaldy.
Ūqsas jaŋalyqtar
