Túrkistan oblysynda terrorızmdi nasıhattady degen kúdikpen tórt adam ustaldy, dep habarlaıdy “Adyrna” ulttyq portaly Ulttyq qaýipsizdik komıtetiniń (UQK) baspasóz qyzmetine siltep.
«26 maýsymda Túrkistan oblysynda Ulttyq qaýipsizdik komıteti prokýratýrasymen kelise otyryp jáne Ishki ister mınıstrligimen birlesip terrorızmdi nasıhattady degen kúdikpen Qazaqstannyń tórt azamatyn ustady. Aldyn ala málimet boıynsha, sottalýshylardyń biri shetelde uzaq ýaqyt turyp, sol jaqta radıkaldy dinı ıdeologııaǵa qatysy bar bolýy múmkin. Tintý kezinde dinı ádebıetter men basqa da zattaı aıǵaqtar alyndy», - delingen beısenbi kúni taratqan habarlamada.
QR Qylmystyq kodeksiniń 256-babynyń 1 jáne 2-bóligi (terrorızmdi nasıhattaý nemese terrorızm aktisin jasaýǵa jarııa shaqyrý) boıynsha qylmystyq is qozǵaldy.
