Túrkistan oblysynyń polıeıleri tyıym salynǵan materıaldardy taratqan kúdiktini ustady, dep habarlaıdy “Adyrna” ulttyq portaly Zakon.kz saıtyna silteme jasap.
Túrkistan oblysy PD Ekstremızmge qarsy is-qımyl basqarmasynyń qyzmetkerleri dinı-ekstremıstik baǵyttaǵy ıdeologııany nasıhattaıtyn tyıym salynǵan materıaldardyń ınternette taralýynyń kezekti jaıtyn anyqtap, onyń jolyn kesti.
Bul týraly oblystyq Polıııa departamenti bastyǵynyń orynbasary Qurmanbek Sahov jetkizdi.
– Áleýmettik jelilerge monıtorıng júrgizý kezinde, “Facebook” paraqshalarynyń birinen belgisiz adamdardyń tyıym salynǵan dinı-ekstremıstik uıymnyń ıdeologııasyn nasıhattaıtyn beınerolıkter men mátindik habarlamalar jarııalaǵanyn anyqtady. Atalǵan materıaldardy departamentte tirkelip, saraptamaǵa joldadyq.
Nátıjesinde sarapshylar bul materıaldarda terrorızm men ekstremızmdi nasıhattaýdyń belgileri bar ekenin rastady. Osyǵan baılanysty biz QR QK-niń 256-baby 2-bóligimen (Terrorızmdi nasıhattaý nemese terrorızm aktisin jasaýǵa jarııa túrde shaqyrý) sotqa deıingi tergeýdi bastadyq. Tekserý aıasynda Túrkistan oblysy PD Ekstremızmge qarsy is-qımyl basqarmasynyń jedel ýákilderi men Túrkistan oblysy boıynsha UQKD birlesip, jedel-izdestirý is-sharalary nátıjesinde kúdikti retinde Arys aýdanynyń turǵynyn ustadyq.
Ustalǵan er adamnyń buryn destrýktıvti-dinı aǵymnyń jaqtaýshysy jáne sotty bolǵanyn anyqtadyq. Onyń úıin tintý kezinde, biz ártúrli kompıýterlik tehnıkany, tyıym salynǵan dinı ádebıetter, uıaly telefon men dıskilerdi tárkiledik.
Qazirgi ýaqytta sotqa deıingi tergeý amaldary júrgizilýde. Kúdiktige qatysty sotpen qamaýǵa alý túrindegi bultartpaý sharasy tańdaldy. Búginde istiń mán-jaıy jan-jaqty anyqtalýda, – dep atap ótti polıııa podpolkovnıgi Qurmanbek Sahov.
Óz kezeginde Túrkistan oblysynyń polıeıleri azamattarǵa QR zańnamasymen tyıym salynǵan dinı-ekstremıstik baǵyttaǵy materıaldardy, onyń ishinde áleýmettik jelilerde taratqany úshin qylmystyq jaýapkershilik qarastyrylǵanyn eskertedi.
“Adyrna” ulttyq portaly
