2 şıldeden bastap Astana, Almaty, Qaraǧandy jäne Kökşetau qalalarynda terroristık qauıptılıktıŋ «sary» deŋgeiı bekıtıledı. Būl turaly bügın ŪQK baspasöz qyzmetı jazdy, dep habarlaidy «Adyrna» tılşısı.
«Qazaqstanda şıldenıŋ 2-5 aralyǧynda bırqatar maŋyzdy halyqaralyq ıs-şaralar, onyŋ ışınde Şanhai yntymaqtastyq ūiymyna müşe memleketter basşylarynyŋ keŋesı men Qytai Halyq Respublikasy Töraǧasynyŋ memlekettık resmi sapary ötedı.
Osyǧan orai älemge belgılı täjıribege säikes uäkılettı memlekettık organdar keletın şeteldık delegasiialardyŋ, olardyŋ ışınde memleket basşylary men halyqaralyq ūiymdar basşylarynyŋ qauıpsızdıgın joǧary deŋgeide qamtamasyz etuge tolyqqandy şaralar qabyldaidy»,— delıngen habarlamada.
«Terrorizmge qarsy ıs-qimyl turaly» zaŋnyŋ 12, 13 jäne 15-baptaryna säikes küzetıletın tūlǧalardyŋ qauıpsızdıgın qamtamasyz etu boiynşa küzet ıs-şaralaryn ötkızu kezınde Memlekettık küzet qyzmetı bastyǧynyŋ şeşımı boiynşa Astana, Almaty, Qaraǧandy jäne Kökşetau qalalarynyŋ jekelegen uchaskelerınde terrorizmge qarsy operasiianyŋ qūqyqtyq rejimınde qūqyqtyq tärtıp pen qoǧamdyq qauıpsızdıktı qoldau ıs-şaralary ötedı.
Qūqyqtyq rejim 2 şıldenıŋ 00 saǧat 01 minutynan bastap 4 şıldenıŋ 23 saǧat 59 minutyna deiın Şanhai yntymaqtastyq ūiymynyŋ sammitı ötkızıletın obektıler aumaǧyna jäne küzetıletın tūlǧalardyŋ jüru baǧyttaryna ornatylady.
Būdan basqa, Prezidenttıŋ 2013 jylǧy 9 tamyzdaǧy №611 Jarlyǧymen bekıtılgen «Terrorizm aktısı qaterınıŋ tuyndauy turaly aqparat monitoringınıŋ jäne halyqty habardar etudıŋ memlekettık jüiesınıŋ ūiymdastyryluy men jūmys ısteu qaǧidalaryna» säikes terrorizmge qarsy operasiianyŋ qūqyqtyq rejimı engızıluın eskere otyryp, Astana, Almaty, Qaraǧandy jäne Kökşetau qalalarynyŋ Şanhai yntymaqtastyq ūiymynyŋ sammitın ötkızu obektılerınde 2 şıldenıŋ 00 saǧat 01 minutynan bastap 4 şıldenıŋ 23 saǧat 59 minutyna deiın terroristık qauıptılıktıŋ bırqalypty («sary») deŋgeiı belgılenedı.
Iаǧni: - jekelegen aumaqtarda kölık pen jaiau jürgınşılerdıŋ qozǧalysy şekteledı; - būqaralyq jäne jappai ıs-şaralar ötetın oryndarda patrul küşeiedı; - adamdar köp jinalatyn oryndar tekserıledı; - äuejailarda, temırjol vokzaldarynda arnaiy tehnika qoldanylady.
