Belgili telejúrgizýshi, jýrnalıst Dına Tólepbergen áıel taǵdyryna qatysty máselelerge óz pikirin bildirdi, dep habarlaıdy "Adyrna" ulttyq portaly.
"Astarly aqıqat" baǵdarlamasynyń júrgizýshisi, jýrnalıst Dına Tólepbergen áleýmettik jelidegi paraqshasynda túrli pikir týdyrǵan. Ol Instagram jelisindegi paraqshada qyz bala ıen áıeldiń taǵdyryna qatysty qanatty sózderi men túrli taqyrypta beıneler jarııalap júr. Sonyń birinde telejúrgizýshiniń "qyz balany jat-jurttyq dep bólý - fashızm" degen pikiri jeli qoldanýshylaryn dúrliktirdi.
«Áıeldi urý – qylmys. Bul bos uran emes, bul endi zań. Biz «qyz – jat-jurttyq degen oıdan jırenýimiz kerek. Óz baýyryńnan shyǵyp, toǵyz aı kótergen perzentińdi qyz bolǵany úshin «jat» dep jaqyndatpaý – fashızm. Men árbir ata-ananyń óz qyzyn jat emes, janym degenin qalaımyn. «Uldyń murasy ózimizde qalady, qyzdyń murasy qudalarǵa barady» dep oılaý qate! Ul óz páterine ózi aqsha tapsa, utylmaıdy. Al qyz úshin bul – qaýipsizdik alǵysharty», - dep ol áleýmettik jelidegi paraqshasynda jazdy.
Jelidegi oqyrman Dına Tólepbergendi qoldasa, endigi biri qarsy pikir jazyp qaldyrǵan.
Aıta keteıik, Dına Tólepbergen qyzdardy kesh turmysqa shyǵýyn qoldaıtynyn aıtyp, óz paraqshasynda jazba jarııalaǵan edi.
