Búgin, 24 maýsym Koreıanyń Seýl qalasynyń ońtústigindegi Hvason qalasyndaǵy lıtıı akkýmýlıator zaýytynda órt bolǵan. Saldarynan 22 adam, onyń ishinde 20 sheteldik azamat qaza tapty. Bul týraly Yonhap agenttigi málimdedi, dep habarlaıdy “Adyrna” ulttyq portaly.
Málimet boıynsha, bir adam iz-túzsiz joǵalǵandyqtan, qaza tapqandar sany artýy múmkin.
Saǵat 18:30-daǵy jaǵdaı boıynsha 22 jumysshy qaza tapqan, ekeýi aýyr jaraqat aldy, taǵy altaýy jeńil jaraqattanǵan.
Qaza tapqan 20 sheteldiktiń ishinde 18 Qytaı azamaty, bir Laos azamaty jáne taǵy bir adamnyń azamatyǵy belgisiz.
"Syrtqy ister mınıstrligi zardap shekkender men olardyń otbasylaryna qoldaý kórsetý úshin Ońtústik Koreıadaǵy tıisti elderdiń dıplomatııalyq ókildikterimen tyǵyz jumys isteýdi josparlap otyr", - dedi mınıstrlik ókili.
Órt Seýlden ońtústikke qaraı 45 shaqyrym jerde, saǵat 10:30 shamasynda Hvasondaǵy lıtıı batareıalaryn shyǵaratyn Aricell kompanııasynyń zaýytynda shyqqan. Órtsóndirýshiler negizgi órt saǵat 15:10 shamasynda baqylaýǵa alynǵannan keıin joǵalǵan adamdy izdeý úshin ǵımarattyń ishine kirgen.
Qaza bolǵandardyń barlyǵy №3 zaýyt ǵımaratynyń ekinshi qabatynan tabyldy.
