Ükımet Memleket basşysy Qasym-Jomart Toqaevtyŋ farmasevtika salasyndaǧy otandyq öndırıstıŋ ülesın ūlǧaitu jönındegı tapsyrmalary şeŋberınde därılık zattar öndırısın oqşaulau jönındegı tört ırı investisiialyq jobany ıske asyru turaly kelısımderdı maqūldady, dep habarlaidy «Adyrna» tılşısı.
Jobalar Densaulyq saqtau ministrlıgınıŋ «AltİNFARM» JŞS, «MSP-ROMFARM» JŞS, «Abdi İbragim Global farm» JŞS jäne «Nobel Almaty farmasevtikalyq fabrikasy» AQ kompaniialarymen kelısımderı şeŋberınde ıske asyrylatyn bolady.
«Bekıtılgen jobalar boiynşa investisiialardyŋ jiyntyq kölemı 173 mlrd teŋgenı qūraidy, şamamen 675 jaŋa jūmys ornyn qūru közdelgen. Jaŋa qazaqstandyq farmasevtikalyq käsıporyndarda därılık zattardyŋ 356 atauyn öndıru josparlanuda»,-delıngen habarlamada.
Tört ırı zauyt Almaty qalasynda, sondai-aq Türkıstan jäne Almaty oblystarynda ornalasatyn bolady.
Öndırıstık jelı onkologiialyq jäne qant diabetın emdeuge arnalǧan qūraldardy, sondai-aq immunobiologiialyq, virusqa qarsy, anemiiaǧa qarsy, auyrsynudy basatyn, qabynuǧa qarsy, suyqqa qarsy jäne mikrobqa qarsy preparattardy qamtidy. Sondai-aq, halyqaralyq GMP standarttaryna säikes belsendı farmasevtikalyq ingredientter men biopreparattar şyǧaru közdelgen.
