Astanada äleumettık jelıde erekşe balalar men olardyŋ ata-anasyna qatysty qorlaityn ärı beiädep sözder qoldanǧan blogerge äkımşılık ıs qozǧaldy, dep habarlaidy "Adyrna" ūlttyq portaly.
Äkımşılık qūqyq būzuşylyqtar jönındegı mamandandyrylǧan audanaralyq sotynyŋ mälımetınşe, 2025 jylǧy 2 jeltoqsanda azamatşa O.-ǧa qatysty ūsaq būzaqylyq faktısı boiynşa äkımşılık ıs tırkelgen. Ol Qazaqstan Respublikasynyŋ Äkımşılık qūqyq būzuşylyq turaly kodeksınıŋ 434-babynyŋ 1-bölıgı boiynşa jauapqa tartylyp otyr.
Is materialdaryna säikes, bloger Instagram paraqşasynda beinejazba jariialap, onda qoǧamǧa jäne erekşe qajettılıgı bar adamdarǧa qatysty qorlaityn ärı beiädep sözder aitqan. Osy äreketı arqyly qoǧamdyq tärtıptı būzyp, köpşılıkke aşyq türde qūrmetsızdık tanytqany anyqtalǧan.
Sotqa deiıngı tergep-tekseru jürgızılmegen, sebebı būl qūqyqbūzuşylyq äkımşılık ıs jürgızu tärtıbımen qaralady. Sot otyrysynda ol beiädep söz qoldanǧanyn rastaǧanymen, balalardy qorlau nietı bolmaǧanyn aityp, kınäsın ışınara moiyndady.
QR ÄQBtK 434-baby 1-bölıgınıŋ sanksiiasyna säikes, qūqyqbūzuşyǧa 20 ailyq eseptık körsetkış mölşerınde aiyppūl salu nemese 20-dan 60 saǧatqa deiın qoǧamdyq jūmystarǧa tartu, ne bolmasa 5 täulıkten 15 täulıkke deiın äkımşılık qamauǧa alu jazasy qarastyrylǧan.
Sonymen qatar QR ÄQBtK-nıŋ 50-babynyŋ 2-bölıgıne säikes, 14 jasqa deiıngı balalary bar äielderge äkımşılık qamau qoldanylmaidy.
