Astanada Memlekettık keŋesşı Erlan Qarinnıŋ qatysuymen qazaq halqynyŋ ūlttyq än-küiı men folklorlyq mūrasy jinaqtalǧan «Asyl mūra» audiojinaǧynyŋ tūsaukeserı öttı, dep habarlaidy “Adyrna” ūlttyq portaly.
Joba «Qazaqstan» respublikalyq teleradiokorporasiiasy men Ozen muzykalyq leiblynyŋ bırlesken jūmysynyŋ nätijesınde jüzege asyryldy.
«Asyl mūra» – Qazaqstan muzyka önerı tarihyndaǧy eŋ ırı jinaqtardyŋ bırı. Oǧan «Altyn qorda» saqtalǧan 400 küi, 300 jyr-terme, 400 halyq änı men halyq kompozitorlarynyŋ änderı, 100 ertegı, 50 besık jyry jäne 250 retro hit engızıldı. Jinaqtyŋ basty erekşelıgı – köptegen şyǧarmanyŋ tüpnūsqalyq, iaǧni alǧaşqy oryndauşylary jetkızgen küiınde ūsynyluy.
1 500 taŋdauly audiojazba Apple Music, Spotify, Yandex Music, YouTube Music siiaqty 100-den astam halyqaralyq muzykalyq platformaǧa jükteldı. Sondai-aq barlyq materialdar «Qazaqstan» teleradiokorporasiiasynyŋ altynqor.com saityna ornalastyryldy.
Memlekettık keŋesşı Erlan Qarin «Asyl mūra» jinaǧynyŋ jaryqqa şyǧuy ūlttyq mädeniettı sifrlandyru jolyndaǧy maŋyzdy qadam ekenın atap öttı. Onyŋ aituynşa, būl joba Memleket basşysy Qasym-Jomart Toqaev bastamaşylyq etken Ūlttyq sifrlyq mūraǧat qūru jūmysyna üles qosady. Sonymen qatar, ūlttyq öner tuyndylaryn jüieleuge, jas ūrpaq üşın senımdı derekköz qalyptastyruǧa jäne jasandy intellektını mädeni mūramen tolyqtyruǧa mümkındık beredı.
“Memlekettık teleradiokorporasiianyŋ qorynda ǧana saqtalǧan 1500 tüpnūsqa tuyndy älemdık muzykalyq platformalarda jariialanyp otyr. Būl şara Memleket basşysy Qasym-Jomart Toqaevtyŋ Ūlttyq qūryltaidyŋ IV otyrysynda kötergen Ūlttyq sifrlyq mūraǧat qūru jönındegı bastamasyn jüzege asyruǧa septıgın tigızedı. Mūndai jobalar ūlttyq mädeni kontenttı jüieleuge jol aşyp qana qoimai, önerpazdardyŋ jaŋa buynyna, öskeleŋ ūrpaqqa senımdı ärı bai derek közı bolady. Sondai-aq jasandy intellektınıŋ jadyn edäuır tolyqtyrady”, — dedı Erlan Qarin.
«Asyl mūra» jinaǧy elımızdıŋ ūlttyq jäne öner universitetterınıŋ kıtaphanalaryna berıledı, sondai-aq erkın saudaǧa şyǧarylady.
Ūqsas jaŋalyqtar
