Qaraǵandy oblysynyń turǵyndary "Taza Qazaqstan" respýblıkalyq ekologııalyq akııasyn belsendi qoldap jatyr. Shahtınsk qalasynda avtomobıl jolynyń boıyndaǵy orman beldeýi retke keltirildi.
"Taza orman" akııasyna eriktiler, sportshylar, "Jasyl el"jasaǵy qatysty.
Shahtınsk orman alqabynyń aýdany – 722 gektar. Bul qala turǵyndarynyń demalýǵa jáne sportpen shuǵyldanýǵa arnalǵan súıikti orny. Degenmen, ózinen soń qoqysty tazalap júrýge ekiniń biri daıyn emes. Qala jáne oǵan irgeles kentter jastarynyń bastamasymen ormandy tazartý jáne aǵash egý boıynsha turaqty akııalar ótkiziledi.
– Orman – kez kelgen óńirdiń, qalanyń halqy úshin qolaıly ortanyń negizgi quramdas bólikteriniń biri. Búgingi tańda bizdiń mindetimiz – turǵyndardyń tabıǵatqa qatysty durys oılaýy men minez-qulqyn qalyptastyrý, praktıkalyq daǵdylardy ıgerýge múmkindik berý, – deıdi Shahtınsk qalasynyń Jastar resýrstyq ortalyǵy basshysynyń m. a. Alekseı Varzaev.
Shahtınsk qalasynda "Taza Qazaqstan" akııasy bastalǵannan beri 100-den astam eńbek ujymy men 10 myńǵa jýyq turǵyn qatysty. Osy ýaqyt ishinde 15 myń tonnadan astam qaldyqtar shyǵaryldy, saıabaq, alań, eskertkishter aýmaǵy tazartyldy, myńnan astam kóshet egildi.
