Belgiiadan Qazaqstanǧa ata-anasyn ızdep kelgen Jänıbektıŋ ruy anyqtaldy, dep habarlaidy "Adyrna" ūlttyq portaly "Inbusiness.kz"-ke sıltep.
Bırneşe uaqyt būryn TreeGene zerthanasynyŋ mamany Ūldana Kökközova Belgiiadan Qazaqstanǧa ata-anasyn ızdep kelgen Jänıbekke qatysty taǧy bır derektı anyqtady. Jänıbektıŋ qai rudan ekenın tanyp, "Ata-tegın anyqtau" synamasynan ötkızdı.
Şetelden kelgen qazaq balasynyŋ ruy naiman ekenı anyqtalǧan.
"Būl synamanyŋ aty "Ata-tegın anyqtau" dep atalady. Qazırgı kezde sūranysqa ie bolyp jürgen synamalardyŋ bırı. Sebebı bız genetikalyq profil arqyly adamnyŋ gaplotobyn anyqtaimyz. Gaplotobynyŋ populiasiiasy arqyly ruyn anyqtap beremız. Äsırese ruyn bılgısı keletın, anyqtaǧysy keletınder, äsırese qandai topqa jatatynyn, ata-tegınıŋ erekşelıgın bılgısı kelse osy testke jügınedı. Būl synama 14 künde jasalady. Tıptı kıtap qylyp şyǧaryp beremız. Mäselen, Belgiiadan kelıp, ata-anasyn ızdegen Jänıbektıŋ ruyn anyqtau üşın bız onyŋ gaplotoby qanşa elde kezdesedı dep tekserdık. Y hromosoma tek qana erlerde ǧana kezdesedı. Äielderdıkı H hromosoma ekenı belgılı. Iаǧni, äkenıŋ Y hromosomasy ūldaryna özgerıssız berıledı. Atasy, balasy, tuǧan bauyrlary jäne nemere ūldaryna berıletın arnaiy ärıpter men sandar bar. Bız Jänıbektıŋ tobynyŋ sany R1b-M478 ekenın anyqtadyq. Iаǧni 27 str markerı arqyly anyqtadyq. Gaplotip arqyly gaplotop anyqtalady. Sol arqyly onyŋ populiasiiasyna bailanysty ruy belgılı bolady. Jänıbektıŋ gaplotobynda ekı rudyŋ belgısı şyqty. Bıreuı - naiman, ekınşısı - qypşaq. Zerttei kele naimanǧa 2 mutasiiadan aiyrmaşylyq körındı. Al qypşaq deiın desek 7 mutasiiadan aiyrmaşylyq baiqaldy. Y hromosomasy naimandarǧa säikes kelgen soŋ bız ony orta jüz, naiman ruy, baǧanaly tegınen dep kıtapqa jazyp berdık. Arǧyndardıkı G toby bolyp atalady, basqa rularda S degen top bar", - deidı ol.
Ūqsas jaŋalyqtar
