Qazaqstannan tuǧanyn ızdegen belgiialyq Jänıbektıŋ äkesı tabyldy, dep habarlaidy "Adyrna" ūlttyq portaly.
Şeteldıkter asyrap alǧan qazaq balasy Europadan tuǧan anasyn ızdep keldı. Jurnalist Qymbat Dosjan Jänıbektıŋ anasy emes, äzırge tuǧan äkesı tabylǧanyn aitty. Alaida tuystary DNQ tapsyrudan bas tartqan.
"Soŋǧy uaqytta bız ünsız jürgenımızge qarap aşylǧan qylmystyq ıstı toqtatyp tastady dep oilamaŋyzdar. Zertteu jūmysy bır sätke de toqtaǧan joq. Keşe men Arqalyq qalasynyŋ polisiia qyzmetkerı Saiat İslamovpen bırge Qaraǧandy qalasyna baryp keldım. Zertteu barysynda Jänıbektıŋ äkesı boluy mümkın degen er adam anyqtaldy. Ökınıştısı, ol kısı ömırden ötken bolyp şyqty. Sondyqtan marqūmnyŋ jaqyndary men et jaqyn adamdarymen söilesu üşın polisiia qyzmetkerıne erıp, özım arnaiy barǧan edım, bıraq tuystary sözımızge, ötınışımızge qūlaq aspady. DNQ testıne qan tapsyrudan bas tartty", - deidı Qymbat Dosjan.Al redaksiiaǧa anonimdı türde Jänıbektıŋ tuǧan äkesımen bırge jūmys ıstegen azamat habarlasqan körınedı. Ol marqūm ärıptesınıŋ Jänıbektıŋ tuǧan äkesınen aumai qalǧanyn aitqan.
"Bızge qoŋyrau şalǧan anonim marqūmnyŋ söilegen sözı, jürıs tūrysy Jänıbekten aumaityn edı, bız bırneşe jyl bırge jūmys ıstedık» dedı. Tıptı, marqūmnyŋ jas kezındegı suretke qarap, bız de Jänıbek balamyzdy körgendei boldyq. Amal qanşa, marqūmnyŋ tuystary taǧy da oilanyp, oŋ şeşım qabyldaidy dep kütemız. Jänıbek «Eger osy äulettıŋ balasy bolyp şyqsam, olardyŋ aqşasyna nemese dünie mülkıne talasym joq dep qolhat beruge daiyn ekenın aitty", - deidı Qymbat Dosjan.Alaida Jänıbektı şeteldıkterge satqan äiel adamnyŋ ısı sotqa jıberılmegenı anyqtaldy. Kelınşek 2004 jyly Arqalyqtaǧy balalar üiındegı balany belgiialyq äielge saudalaǧan,
"Jänıbektı asyrap alǧan anasy Valeri 2004 jyly Arqalyqtan bala asyrap alarda bır äiel kısıge 12 myŋ dollar bergenın aitty. Ony Jänıbekke bergen sūhbatynan da kördıŋızder. Ol sūhbattyŋ tüpnūsqasy bızdıŋ qolymyzda. Aqşa alǧan äieldıŋ kım ekenın, onyŋ 2004 jyldary qaida jūmys ıstegenın, qazır qaida ısteitınınıŋ bärın bılıp otyrmyz. Tıptı, soŋǧy ret 2020 jyly Valeri ekeuınıŋ hat almasqanyn da taptyq. Ol hatta “Jänıbektıŋ jaǧdaiy qalai?” dep sūraǧan. Bıraq ıs älı sotqa jetpei tūr. Soŋyna deiın jetkızıp, şyndyqty aşamyz dep senemın", - deidı jurnalist.
Ūqsas jaŋalyqtar
