Adam óltirdi degen kúdikke ilingen qazaqstandyq jalǵan atpen Belgııada 27 jyl boıy jasyrynyp kelgen. Ol elge jetkizildi. Bul týraly búgin Almaty krımınaldyq polıııasy málimdedi, dep habarlaıdy “Adyrna” ulttyq portaly.
Málimet boıynsha, 63 jastaǵy qazaqstandyq 1997 jyly maýsymda Reseıdiń Novosıbırsk qalasynda otandasymyzdy urlap, óltirý isine qatysqan. Kezinde ony bosatý úshin týystarynan 100 myń dollar ótemaqy talap etken. Ol bul aýyr qylmysty aldyn ala sóz baılasý arqyly jasaǵany belgili boldy.
«Tergeý barysynda qylmysqa qatysýshylar ustalyp, olarǵa túrli jaza taǵaıyndaldy. Sot organdarynan qashyp ketken qylmyskerlerdiń birine qatysty syrttaı qamaýǵa alý túrindegi bultartpaý sharasy, sondaı-aq memleketaralyq jáne halyqaralyq izdeý jarııalandy. Izdeýdegi azamat jalǵan derektermen Belgııada jasyrynyp júrgeni belgili boldy. Almaty qalalyq prokýratýrasynyń úılestirýimen jáne Interpoldyń kómegimen kúdikti ustalyp, Almaty qalasyna jetkizildi», - dedi Almaty qalalyq polıııa departamenti bastyǵynyń orynbasary Qýatbek Naýatov.
Ol ýaqytsha ustaý ızolıatoryna qamaldy.
