Belgiialyq otbasy asyrap alǧan qazaq balasy tuǧan anasyn ızdeidı. Būl turaly Syrtqy ıster ministrlıgı janyndaǧy «Otandastar» qorynyŋ vise-prezidentı Oljas Berkınbaev aitty, dep habarlaidy «Adyrna» tılşısı
«Sızderden kömek sūrap otyrǧan jıgıttıŋ esımı – Jänıbek, bıraq qazırgı qūjatynda EddiJan dep jazylǧan. Ūlty – qazaq, 2002 jyldyŋ 17 qaŋtar künı Arqalyq qalasynda düniege kelgen. 2004 jyly sol qaladaǧy balalar üiınen qazırgı belgiialyq otbasy, iaǧni jalǧyz basty anasy asyrap aluǧa alyp ketken. Tuǧan anamnyŋ üşınşı balasy boluym mümkın deidı ol. Flamand tılınde ösken ol qazaqşa ne orysşa bılmeidı. Esesıne aǧylşyn, ispan, fransuz, nemıs tılderınde söileidı. Qazır İspaniianyŋ Malorka aralynda tūrady. Asyrap alǧan otbasy oǧan europaşa bılım berıp ösırgen. Osy künderı Astanada, özınıŋ tuǧan äke-şeşesın ızdep kelıptı»,—dep jazdy ol.Aituynşa, EddiJan 20 jeltoqsanda İspaniiaǧa ūşyp ketedı. Sol sebeptı ol qazaqstandyqtardan anasyn tabuǧa kömektesuın sūrap otyr.
«Tuǧan äke-şeşemnen tük kerek emes, tek anamnyŋ jüzın körıp, bır ret qūşaqtap, jüregımdı tynşytsam boldy degen Jänıbek myna videony bügın neşe ret tüsırgenın bılseŋız ǧoi... 20 jeltoqsan Astanadan İspaniiaǧa ūşyp ketetın Jänıbek barşaŋyzdan kömek kütıp otyr. Qazaqstan tym alys, endı qaşan kelerım belgısız, mūnda türım qazaq, tılım özgeşe, bärı bırtürlı qaraidy deidı. Malorkada ol atbegılıkpen ainalysady. Jylqyny jaqsy köredı eken. Barynşa taratyp, qandasymyzǧa qol ūşyn sozyp jıbereiık, aǧaiyn!»—dedı Oljas Berkınbaev.Beinejazbany köru üşın sıltemenı basyŋyz.
