Pavlodar oblysynyń «Qarttar men múgedektigi bar adamdarǵa arnalǵan jalpy úlgidegi Aqsý arnaýly áleýmettik qyzmetter kórsetý ortalyǵy» 19 maýsym kúni «Nan (bıdaı, qara bıdaı)» degen taqyryppen tender jarııalady. Sol jarııalanym mátinindegi qatelikter memlekettik tildi masqaralaıdy, - dep habarlaıdy «Adyrna» ulttyq portaly https://satypalu.gov.kz/kz/ saıtyna silteme jasap.
Pavlodar oblysynyń jumyspen qamtýdy úılestirý jáne áleýmettik baǵdarlamalar basqarmasyna qarasty atalmysh mekeme memleket qarjysyna 2 100 000 teńgege nan satyp almaq kórinedi. Tender jeńimpazy 26 maýsym kúni anyqtalady.
Tenderiniń tehnıkalyq sıpattamasyn oqyp shyqsańyz, memlekettik mekemeniń memlekettik tildi qalaı qorlaǵanyn kóresiz. Qarańyz:
«1-surypty qara bıdaı unynan jasalǵan, uzaq saqtalatyn, beti iri jaryqshaqsyz, qoparýsyz tegis, túsi sarydan qońyrǵa deıin. Mıakısh propechennyı emes, dymqyl seziledi, elastıchnyı. Ónimniń osy túrine tán dám men ıis. Bir bólke salmaǵy 550 gr kem emes. Taýar tańerteńgi ýaqytta tapsyrys berýshiniń ótinimi boıynsha jańa jetkiziledi».
«Beti iri jaryqshaqsyz», «qoparýsyz tegis», «túsi sarydan qońyrǵa deıin», «Mıakısh propechennyı emes», «dymqyl seziledi», «elastıchnyı» degen sekildi shala qazaqshamen memmekeme bizge ne aıtpaq? Pavlodar oblysynda tehnıkalyq sıpattamany taza memlekettik tilde jazatyn bir maman joq pa?
Bul suraqtardy Pavlodar oblysynyń aqparat jáne qoǵamdyq damý basqarmasyna joldadyq. Basqarma jaýaby kelip jatsa, ony da jarııalaıtynymyzdy eskertemiz.
Qanat Birlikuly
Adyrna ulttyq portaly
