Ózbekstannyń joǵarǵy soty KSRO-da qýǵyn-súrginge ushyraǵan azamattardy aqtady, dep habarlaıdy “Adyrna” ulttyq portaly Ferǵana agenttigine siltep.
Joǵarǵy sot sottalǵan taǵy 205 saıası tutqyndy aqtady. Eldiń joǵarǵy sotynyń málimetinshe sońǵy jyldary aqtalǵan Ózbekstan azamattarynyń jalpy sany 1031-ge jetken.
Qýǵyn-súrgin qurbandarynyń qatarynda Tashkent sýdıasy Sadýlla Qasymov, 1930-1931 jyldary «Qasymovshylar isine» qatysyp, memlekettik qylmys jasady degen aıyppen ólim jazasyna jáne uzaq merzimge bas bostandyǵynan aıyrylǵan taǵy alty adam bar. Olardyń aty bıyl aqtalyp jatyr.
Sonymen qatar, bas prokýror 1930-1938 jyldary partııa uıymdarynda keńes ókimetine qarsy áreket jasady dep aıyptalǵan 198 adamǵa qatysty 11 qylmystyq is boıynsha kassaııalyq shaǵym túsirgen.
Joǵarǵy Sot atalǵan adamdardyń barlyǵyn Respýblıka Qylmystyq is júrgizý kodeksiniń 83-baby boıynsha aqtady.
