Áleýmettik jelide qazaq úıde jartylaı jalańash bılegen jigit pen eki qyzdyń beınesi kóptiń ashýyna tıip, qoǵamdyq rezonans týdyrǵan bolatyn. Jastardyń qalaı jazalanatyny týraly Ulttyq qaýipsizdik komıteti men Bas prokýratýra málimdeme jasady, dep habarlaıdy “Adyrna” ulttyq portaly.
Kıiz úıde óksheli aıaq kıim men ashyq kıingenderdi jazalaý týraly Samat Musabaev quzyrly organǵa ótinish joldaǵan.
Beıneniń Almaty oblysynyń Qarasaı aýdanynda túsirilgeni anyqtaldy.
“2024 jyly 1 shildede Qarasaı aýdandyq polıııa basqarmasy QR QK 174-babynyń 1-bóligi boıynsha "áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý" boıynsha sotqa deıingi tergeýdi bastady", - dep habarlady Bas prokýror Berik Asylov.
Atalǵan bap boıynsha eger kúdiktilerdiń kinási dáleldense olarǵa jeti jylǵa deıin bas bostandyǵynan aıyrylý jazasy kózdelgen. Alaıda Ulttyq qaýipsizdik komıtetiniń habarlaýynsha, jartylaı jalańashtanǵan bıshilerdiń nıetin bir beıne arqyly anyqtaý múmkin emes eken.
