Belgılı qūqyq qorǧauşy Margarita Öskembaeva 17 mausymda dünieden öttı, dep habarlaidy "Adyrna" ūlttyq portaly.
Margarita Öskembaeva - Teŋ qūqyqtar men teŋ mümkındıkter institutynyŋ negızın qalauşy, äielder men balalar qūqyqtary üşın küresken küresker äiel, Qazaqstandaǧy alǧaşqy feministerdıŋ bırı. Ol psiholog bolyp jūmys ıstep, ǧylymi zertteuler jürgızdı. Közı tırıde tūrmystyq zorlyq-zombylyq qūrbandaryna arnalǧan «Araşa» baspanasyn basqardy. Odan bölek, Qazaqstan Prezidentı janyndaǧy äielder ısterı jäne otbasylyq-demografiialyq saiasat jönındegı ūlttyq komissiianyŋ da müşesı bolǧan.
Margarita Öskembaevanyŋ qazasy turaly deputat İrina Smirnova bölıstı.
«Ūzaq uaqyt boiy ol eşbır qoldausyz, aqysyz, grantsyz, mektep pen balabaqşada psiholog bolyp jūmys ıstep, qoǧamdyq qyzmet atqardy. Sodan keiın ol äielderge arnalǧan daǧdarys ortalyǧyn ūiymdastyru üşın öte az memlekettık grant aldy. Ol būny jüregımen jasady. Äielderge medisinalyq kömek, qūqyqtyq qoldau jäne psihologiialyq qoldau körsetu mümkındıgın qamtamasyz ettı. Ol äielderdıŋ mamandyq aluy üşın jäne onymen bırge özıne degen senımdılıgı üşın qolynan kelgenşe kömek berdı. Ol ortalyqqa anasymen bırge tüsken balalarǧa da qamqorlyq jasady. Olardy mektep pen balabaqşaǧa ornalastyrdy»,– dep deputat İrina Smirnova estelıkterımen bölıstı.Marqūmdy jerleu räsımı 18 mausym künı özınıŋ tuǧan auylynda ötedı.
