Almaty oblysy Jambyl audanynda ekı myŋdai esek baǧyp otyrǧan şaruaşylyq bar. Äkımdıktıŋ mälımetıne säikes, şarua qojalyǧynda alǧaşqy kezde malǧa azyq bolatyn daqyldardy ösıru josparlanǧan, dep habarlaidy “Adyrna” ūlttyq portaly QazAqparatqa sılteme jasap.
«KazAgroMaks» qojalyǧynyŋ iesı Maksim Pojigailov ta būl aqparatty rastap otyr. Onyŋ aituynşa, käsıpker 1400 ga jerdı 2024 jyldyŋ aqpan aiynda şeteldık investorlardyŋ kömegımen satyp alǧan.
Sondai-aq ferma iesı şarua qojalyǧynda agrarlyq ıspen qatar tūiaqty januarlardy baǧyp, olardy tırıdei şetelge eksporttau josparlanǧanyn aitty. Jem-şöp egılgen egıstıŋ esebınen alynbaq bolǧan.
- Egıstıkpen qatar, Qytaiǧa januarlardy tırıdei eksporttau josparlandy. Sebebı, bızdıŋ serıktesımızdıŋ Qūlja qalasynda fermasy bar. Ol süt sauumen ainalysady. Būl süt onkologiialyq auruhanalarǧa jıberıledı. Sebebı, esek sütınde kazein aquyzy köp, ol ökpe men bauyrdy emdeuge kömektesedı. Bıraq būl bızdıŋ elımız üşın jaramaidy. Sondyqtan tek eksport jasau josparlandy, iaǧni şaǧyn ekonomikalyq orta qalyptastyrǧymyz keldı. Osynda daqyldardy egemız. Ony malǧa berıp, keiın eksportqa jıberemız, - dedı Maksim Pojigailov.
Audan äkımdıgınıŋ mälımetınşe, käsıpker 2024 jyldyŋ nauryzynda Jetısu
Şarua qojalyǧynda bügıngı künı 4 adam jūmys ısteidı. Olardyŋ bırı – Erkın Qojabergen. Mal baǧumen 25 jyldai ainalysqan ol būl qojalyqqa biyl qys kezınde kelgen.
Onyŋ aituynşa, esek asyraudyŋ özındık qiyndyǧy bar, jylqy tektes būl januardy qoi ne jylqy sekıldı jazyq dalada jaia almaisyŋ.
- Esektı bırınşı ret baǧyp otyrmyn. Būlar jylqy tektes. Bıraq özge mal sekıldı bastary bırıkpeidı. Jaisaŋ jan-jaqqa ketıp qalady. Sol üşın qamap otyrmyz. Sondai-aq mınezderı şataq. Bır-bırımen öte jiı töbelesedı. Özderı suyqty kötermeidı, al ystyqta sudy köp ışedı. Bıraq bır jaqsy qasietı – şöp talǧamaidy, – dep atap öttı ol.
Maksim Pojigailov alǧaşqy jospary özgergenımen, esektı tırıdei Qytaiǧa eksporttaudy älı de josparlap otyrǧanyn aitady. Onyŋ aituynşa, osy uaqytqa deiın eksport jasalmaǧan. Alaida januarlardyŋ alǧaşqy tasymaly aldaǧy aida oryndaluy mümkın.
