Jaqyn arada Almaty oblysynda birinshi AES salý boıynsha qajetti kelissózder júrgizilmek. Bul týraly premer-mınıstr Oljas Bektenov habarlady.
«Qazir ekinshi jáne úshinshi AES qurylysynyń ornyn anyqtaý boıynsha saraptama aıaqtaldy», – dedi ol.
Sondaı-aq, Oljas Bektenov 2024 jyldyń qorytyndysy boıynsha Qazaqstan ekonomıkasynyń ósimi 4,8 paıyzdy quraǵanyn aıtty. Bul úkimettiń 6 paıyzdyq mejesinen birshama tómen.
«Aýyl sharýashylyǵynda 13,7 paıyz, qurylysta 13,1, saýdada 9,1, kólik boıynsha 8,5 paıyzǵa deıin ósimge qol jetkizildi. Óńdeý ónerkásibiniń kólemi 5,9 paıyzǵa ulǵaıdy. Agrarlyq sektor men óńdeýshi salada sońǵy on jyl ishindegi eń qarqyndy ósim tirkeldi, – dedi Bektenov.
Alaıda munaı óndirý kólemi 2 mln 400 myń tonnaǵa tómendep, jalpy ishki ónimniń ósý qarqynyna keri áserin tıgizgen. Oǵan sebep – OPEK+sheńberindegi mindettemelerine jáne byltyr iri ken oryndarynyń kúrdeli jóndeýge jabylýy.
