Almaty oblysynda Chevrolet Cobalt kölıgınıŋ jürgızuşısı köpqabatty üidıŋ aulasynda ekı balany qaǧyp kettı, dep habarlaidy “Adyrna”.
Jol-kölık oqiǧasy 4 qyrküiek künı saǧat 18:20 şamasynda Talǧar audanynyŋ Besaǧaş auylyndaǧy «Nüriia» tūrǧyn üi keşenınıŋ aumaǧynda bolǧan.
Jergılıktı tūrǧyndardyŋ aituynşa, kölık şamamen 40 km/saǧ jyldamdyqpen qozǧalǧan boluy mümkın. Alaida būl aqparat äzırge resmi türde rastalǧan joq.
Kuägerlerdıŋ sözınşe, oqiǧadan keiın zardap şekken qyzdardyŋ bırı bıraz uaqyt es-tüssız jatqan.
«Polisiia qyzmetkerlerı ekı kämeletke tolmaǧan jaiau jürgınşını qaǧyp ketken Chevrolet Cobalt kölıgınıŋ 25 jastaǧy jürgızuşısın jauapkerşılıkke tartty. Soqtyǧys saldarynan balalar türlı dene jaraqattaryn alyp, qajettı medisinalyq kömek körsetu üşın medisinalyq mekemege jetkızıldı», – dep habarlady Almaty oblysynyŋ polisiiasy.
Polisiia jürgızuşılerdı jol qozǧalysy erejelerın qataŋ saqtauǧa, äsırese balalar boluy mümkın tūrǧyn üi aulalary men eldı mekender aumaǧynda kölık jürgızu kezınde barynşa saq boluǧa şaqyrdy.
