Ýtılalymǵa narazy top ókilderi osy alymǵa qatysty petıııanyń alǵashqy jıynynan shyǵyp ketti. Bul týraly keshe, 13 maýsymda Azattyq radıosy vıdeo jarııalady, dep habarlaıdy “Adyrna” ulttyq portaly.
Ýtılalymǵa narazy top ókilderi “úsh saǵat keńesip, petıııa boıynsha kelise almaǵanyn” aıtty.
Petıııany qaraǵan úkimettik komıssııa talapty qabyldamaǵan. Osydan soń petıııa avtorlary narazylyq bildirip jıynnan shyǵyp ketken. Petıııa avtorlary qatarynda ýtılalym máselesin kóterip júrgen Sanjar Boqaev bar.
«Biz kelisimge kele almadyq. Otyrǵanymyzǵa 2-3 saǵattaı boldy. Biz ózimizdiń barlyq naqty fakti, argýmentaııamyzdy jetkizdik. Biraq tyńdaıtyn jaq joq. Biz ártúrli mınıstrlikke suraq qoıdyq “Sizderdiń naqty osy ýtılalymǵa qatysty ustanymdaryńyz bar ma” desek, eshkim jaýap bermeıdi. Sondyqtan biz mynaý búgingi otyrysty qabyldamaımyz.
Erteń bárimiz Kókshetaýda bolýymyz kerek. Ony qazir aıtyp otyr. Sonda olardyń eshqandaı naqty jospary joq. Kókshetaýǵa zaýytqa barasyzdar, biraq eshqandaı telefon alyp kirýge bolmaıdy, deıdi. Biz “sonda halyqqa óndirisimizdiń shynaıy qandaı ekenin kórsetýge bolmaı ma” dep edik. “Iá, kórsetýge bolmaıdy” dedi. Olar zaýyttardy ótirik jaqsy kórsetý úshin TıkTok blogerlerdi alyp keledi. Olarǵa túsirýge bolady, al bizge túsirýge bolmaıdy eken. Sondyqtan biz búgin komıssııanyń jumysyna senimsizdik tanytamyz”, dedi Sanjar Boqaev.
Aıta keteıik, buǵan deıin Májilis depýtattary da kólikterdi ýtılalym jáne bastapqy tirkeý baǵasyn tómendetýdi usynǵan bolatyn. Olar elimizdiń kólik parkiniń eskire bastaǵanyn – basqa elderden avtokólikterdi ákelý kezindegi joǵary kedendik baj salyǵy satyp alýshy úshin túpkilikti baǵanyń ósýine ákeletinin atap ótti.
24 mamyrda E-Petition.kz resmı portalynda jarııalanǵan ýtılalymǵa qatysty petıııaǵa qol qoıǵandar sany 50 myńnan asqan.
Keıin Ónerkásip jáne qurylys mınıstrligi ýtılızaııa alymy týraly petıııany qaraý jónindegi jumys tobynyń otyrysy ótpegenin málimdegen edi.
Vedomstvonyń málimetinshe petıııanyń bastamashylary otyrysqa qatysýdan bas tartqan.
