Ulybrıtanııa úkimeti reseılik mıllıarder Roman Abramovıchtiń «Chelsı» fýtbol klýbyn satýdan alǵan 2,3 mıllıard fýnt sterlıngin Ýkraınadaǵy soǵysta zardap shekkenderge kómek kórsetý qoryna aýdarýdy josparlap otyr. Bul týraly The Telegraph úkimettik derekkózderge silteme jasap jarııalady, dep habarlaıdy “Adyrna” ulttyq portaly.
Basylymnyń habarlaýynsha, Abramovıch Eýroodaqtyń sankııalarynda bolǵandyqtan bılik Eýroodaqtyń maquldaýyn kútip otyr. Máseleniń túpkilikti sheshimi birneshe aptaǵa sozylýy múmkin.
Buqaralyq aqparat quraldary aqsha jiberý josparlanǵan qor qurý ıdeıasy Abramovıchtiń ózine tıesili ekenin atap ótedi. Mıllıarder ótken jyldyń naýryz aıynyń basynda Ýkraınadaǵy soǵysqa baılanysty sankııalarǵa tap bolǵan.
Chelsıdi satý týraly kelisim ótken jyldyń basynda jarııalanyp, mamyr aıynyń sońynda aıaqtaldy. Klýb amerıkandyq ınvestor Todd Bolı basqaratyn konsorıýmǵa 4,25 mıllıard fýnt sterlıngke satyldy. Satýdan túsken qarajat arnaıy banktik shotqa salynyp, sol jerde buǵattalǵan.
