«Semeı ormany» aýmaǵynda taǵy bir órt shyqty, dep habarlaıdy “Adyrna” ulttyq portaly.
«Abaı aýdanynyń órt sóndirý qyzmetine «Semeı ormany» RMÝ GLPR Novoshýlbi bólimshesiniń Ortalyq orman sharýashylyǵy ýchaskesiniń aýmaǵynda ormandy alqapta orman órti oryn alǵany týraly habarlama tústi. Oqıǵa ornyna «Semeı ormany» MM qyzmetkerleri, sondaı-aq oblystyq Tótenshe jaǵdaılar departamentiniń kúshteri men quraldary shyqty. Ormanshylar jalpy alańy 0,03 gektar jerde qurǵaq shóp janyp jatqanyn anyqtady. Jedel-izdestirý sharalary barysynda kináli anyqtaldy», - delingen Tótenshe jaǵdaılar mınıstrliginiń senbi kúni taratqan habarlamasynda.
Órttiń shyǵýyna kináli traktorshy bolyp shyqty.
«Traktor ıesi, Borovlıanka aýylynyń turǵyny QR ÁQBtK-niń 367-babynyń 3-bóligi (Ormandaǵy órt qaýipsizdigi talaptaryn jáne sanıtarlyq erejelerdi buzý) boıynsha ákimshilik jaýapkershilikke tartyldy. Oǵan 184 600 teńge kóleminde aıyppul salyndy», - dep túsindirdi Tótenshe jaǵdaılar mınıstrligi.
