Almatyda qaŋtar kezınde jappai tärtıpsızdıkke qatysqandarǧa qatysty ükım şyqty, dep habarlaidy "Adyrna" ūlttyq portaly QazAqparatqa sıltep.
Qylmystyq ıster jönındegı mamandandyrylǧan audanaralyq sotynda jappai tärtıpsızdık pen şabuylǧa qatysyp, küzetıletın obektılerdı basyp alǧan, bilık ökılderıne zorlyq-zombylyq körsettı dep aiyptalǧan 11 sottaluşynyŋ ısı qaraldy.
2022 jyldyŋ 4-5 qaŋtarynda sottaluşylar Almatydaǧy jappai tärtıpsızdıkke qatysyp, qorǧalatyn obektılerge — Almaty qalasynyŋ äkımdıgıne, Prezident rezidensiiasyna, polisiia keŋsesıne zaŋsyz kırgenı anyqtalǧan. Sottaluşylardyŋ qylmystyq äreketı mülıktıŋ joiyluyna ūlasyp auyr zardaptarǧa äkeldı.
Tärtıpsızdık barysynda üş sottaluşy äskeri qyzmetşıler men qūqyq qorǧau organdarynyŋ qyzmetkerlerıne zorlyq-zombylyq körsetkenı de ataldy.
Sottaluşy ekı äskeri kursantty tūtqynǧa alyp, olarǧa jeŋıl dene jaraqatyn salǧan.
Degenmen, sottaluşylar kınäsın jartylai moiyndady.
Raqymşylyq turaly zaŋdy qoldana otyryp, ärqaisysy 1 jyl 9 aiǧa bas bostandyǧynan aiyryldy.
Odan bölek, bır sottaluşy QK 272-babynyŋ 2-bölıgı, 380-babynyŋ 3-bölıgı, 1), 4), 8) tarmaqtary, 269-1-babynyŋ 3-bölıgı, 261-babynyŋ 3-bölıgı boiynşa kınälı dep tanyldy.
Ol Raqymşylyq turaly zaŋ aiasynda 4 jylǧa bas bostandyǧynan aiyryldy.
Ūqsas jaŋalyqtar
