Qazaqstan Respublikasy Qarjy naryǧyn retteu jäne damytu agenttıgı Bankterdı taldau jäne stress-testıleu departamentınıŋ qyzmetkerı Däulet Salavatūly Cheriazdanov Pliuş Ligasynyŋ eŋ üzdık universitetterınıŋ bırı – Garvardqa tüstı. Būl turaly QNRDA-nyŋ resmi saitynda jariialady, dep habarlaidy “Adyrna” ūlttyq portaly.
Aita keteiık, Garvardta AQŞ-tyŋ 8 Prezidentı oqyǧan jäne 40-tan astam Nobel laureattary sabaq beredı.
“Älemnıŋ eŋ üzdık universitetıne tüsu oŋai emes, bıraq aldyŋa osyndai maqsat qoiyp, oǧan bırtındep qol jetkızu üşın eŋbek etseŋ, bärı mümkın. Däulet Cheriazdanov öz eŋbek jolyn 2021 jyly AQŞ-tyŋ Uiliams kolledjın bıtırgen kezde bastady, onda ol jaratylystanu, matematika jäne statistika bakalavry mamandyǧy boiynşa bılıktılıkke ie boldy. Sol jyldyŋ tamyz aiynda oquyn aiaqtaǧannan keiın ol QNRDA-nyŋ Bankterdı taldau jäne stress-testıleu departamentınde Bankterdı stress-testıleu basqarmasynyŋ jetekşı mamany bolyp jūmys ıstei bastady”, delıngen habarlamada.
Bankterdı taldau jäne stress-testıleu departamentı Qazaqstan Respublikasy bank jüiesınıŋ tūraqtylyǧyn qamtamasyz etude şeşuşı röl atqarady. Departament qyzmetınıŋ negızgı baǧyty aktivterdıŋ sapasyna tūraqty türde baǧalau jürgızu jäne ekınşı deŋgeidegı bankterdıŋ jyl saiynǧy stress-testıleuın jüzege asyru, ekınşı deŋgeidegı bankter üşın negızgı täuekelderdı anyqtau jäne boljau.
«Menıŋ rölım osy prosestıŋ tehnikalyq bölıgıne baǧyttalǧan: men Python tılınde qajettı skripterdı äzırleimın, tarihi derekterdı tazartumen jäne modeldeumen ainalysamyn», - deidı Däulet Cheriazdanov.
Ekı jyl ışınde Däulet Cheriazdanov Basqarma bastyǧynyŋ orynbasaryna deiın östı. Osy uaqyt ışınde ol öz jūmysynyŋ qyr-syryn tereŋ meŋgere otyryp, praktikalyq täjıribe aldy. Sondai-aq, ol bırşama jetıstıkterge qol jetkızgenıne qaramastan, ızdenuın toqtatpady. 2023 jyldyŋ jazynda Däulet magistraturaǧa tüsuge niet etıp, daiyndyǧyn bastady. Ol aldymen universitetter tızımın anyqtap, odan ärı oqu üşın mamandyǧyn taŋdady.
Däulet özı üşın jasaǧan tızımde Pliuş Ligasyna kıretın universitetter boldy: Garvard universitetı (Harvard University), Kolumbiia universitetı (Columbia University), Braun universitetı (Brown University), Kornell universitetı (Cornell University) jäne Pensilvaniia universitetı (University of Pennsylvania). Būl universitetterge ötınış berudıŋ negızgı talaptaryna mynalar jatady: GRE (Graduate Record Examination) testı, motivasiialyq jäne taqyryptyq esseler, aldyŋǧy professorlar men qazırgı jūmys beruşınıŋ ūsynym hattary jäne universitettıŋ transkriptı.
Däulet üş aidan astam uaqytqa sozylǧan mūqiiat daiyndyqtan keiın GRE (Graduate Record Examination) testın tapsyrdy, ol talapkerlerdıŋ taldamalyq, jazbaşa, auyzşa jäne sandyq daǧdylaryn baǧalaityn standarttalǧan testınen öttı. Ol yqtimal 340 baldan joǧary 320 ball jinady. Qūjattardy tapsyrudyŋ soŋǧy merzımı 2024 jyldyŋ qaŋtarynda bolǧan, al nauryzda ol qūjattaryn tapsyrǧan barlyq bes universitetten şaqyrtu aldy. Däulet, osy körnektı bestıktıŋ ışınen Djon F. Kennedi atyndaǧy Garvard memlekettık basqaru institutyn (Harvard Kennedy School) taŋdady. Ol oqytudyŋ sapasy men ǧylymi-zertteu jūmystarynyŋ auqymy arqasynda köptegen jyldar boiy jetekşı älemdık reitingte bırınşı orynǧa ie bolyp otyr.
«Garvard magistraturasynda oqu üşın mamandyq taŋdauǧa qatysty, Däulet «Memlekettık saiasat» (Master in Public Policy) mamandyǧyn taŋdady. Özınıŋ taŋdauyn magistrant: «Käsıbi mansabymdy bastaǧan uaqyttan berı men qoǧamǧa qyzmet etu jäne azamattarymyzdyŋ ömırın jaqsartu ideiasyn ūstandym, sondyqtan memlekettık qyzmetke barynşa den qoidym. Bolaşaqta elımızge paida keltıru üşın memlekettık basqaru jäne saiasat salasynda bılım aludy özıme maqsat ettım»,- dep tüsındıredı.
«Universitetterdıŋ qabyldau komissiialary tarapynan memlekettık qyzmet salasyndaǧy täjıribenıŋ maŋyzdylyǧy men joǧary baǧasyna män berılgenın aitqan Däulet magistraturaǧa qūjattar tapsyrǧan uaqytta özınıŋ Bankterdı taldau jäne stress-testıleu departamentındegı jūmysy men Agenttıktegı mansabynyŋ maŋyzdy röl atqarǧanyn atap ötedı. «Men ärıptesterıme, özımnıŋ basşylaryma jäne Agenttıktıŋ joǧary basşylyǧyna olardyŋ maǧan qoldau körsetkenderı jäne menıŋ ösuıme jaǧdailar jasaǧany üşın şynaiy alǧys bıldırgım keledı. Olardyŋ tälımderı men kömegınsız men mūndai tabysqa qol jetkıze almas edım. Menıŋ täjıribemnıŋ özderınıŋ bılım deŋgeiın arttyruǧa talpynatyn ärıptesterım men otandastarym üşın ülgı bolatynyna senemın», - deidı Däulet.
Ūqsas jaŋalyqtar
