Biyl 9 şıldede Aqmola oblysyndaǧy «Baldäuren» respublikalyq oqu-sauyqtyru ortalyǧynda şetelde tūratyn qandas balalarǧa arnalǧan erekşe şara – «Men Qazaqpyn» halyqaralyq balalar qūryltaiy öttı. Maŋyzdy jiynǧa älemnıŋ jetı elınen kelgen 288 bala qatysty.
Qūryltaidyŋ negızgı maqsaty - şeteldegı qazaq balalarynyŋ tarihi Otanyna degen süiıspenşılıgın arttyru, ūlttyq qūndylyqtar men salt-dästürlerdı tereŋırek tanuyna mümkındık jasau. Joba aiasynda qatysuşylar ūlttyq-mädeni baǧdarlama negızınde arnaiy daiyndalǧan tanymdyq jäne tärbielık şaralarǧa belsene qatysty.
Būl igı bastama biyl Timur Qūlybaevtyŋ Halyk qaiyrymdylyq qory men Düniejüzı qazaqtarynyŋ qauymdastyǧy arasyndaǧy tūraqty serıktestık nätijesınde ūiymdastyryldy.
"Ötınış bıldırgen qandastardyŋ arasynan türlı salada jetıstıkke jetken, jüldeger jäne daryndy balalar ırıkteldı. Şaranyŋ basty maqsaty – şeteldegı qazaq balalarynyŋ Atajūrtymen bailanysyn nyǧaitu. Qazaqtyŋ tılı men dästürın tereŋırek tanyp, öz tamyryn sezınuge jol aşu. Būl olardyŋ bolaşaqta Otanyna oralyp, eldıŋ damuyna üles qosuyna ülken mümkındık beredı", – dedı Düniejüzı qazaqtary qauymdastyǧy töraǧasynyŋ keŋesşısı Qarlyǧaş Bekpatşaqyzy.
Qūryltaida ūlttyq qūndylyqtardy därıpteumen qatar, balalarǧa biznes, zamanaui käsıpter men äleumettık jelınıŋ mümkındıkterı turaly maŋyzdy därıster oqyldy.Sondai-aq, biylǧy baǧdarlamada etnomuzykalyq sabaqtar, ūlttyq aspaptarmen tanysu, muzeilerge baru jäne tarihi jädıgerlerdı zertteu sekıldı baǧyttar qamtyldy.
"Timur Qūlybaevtyŋ Halyk qory Düniejüzı qazaqtarynyŋ qauymdastyǧyn bırneşe jyl qatarynan qoldap keledı. Biylǧy şara osy qoldauymyzdyŋ aiqyn dälelı. Şeteldegı är qazaq balasy – ūlttyŋ amanaty. Bız olardy tuǧan jerge tartu arqyly ana tılın jäne ūlttyq mädenietın saqtauǧa kömekteskımız keledı. Bızdıŋ basty maqsatymyz – balalar būl sapardan tek jaqsy äser alyp qana qoimai, öz bolmysyn sezınıp qaituy", – dedı Halyk qaiyrymdylyq Atqaruşy direktory Aigül Saparǧaliqyzy Ahmetova.
Osy joba aiasynda Halyk qaiyrymdylyq qorybalalardyŋ şyǧarmaşylyq qabıletın damytuǧa üles qosu maqsatynda oqu-sauyqtyru ortalyǧynyŋ muzykalyq kabinetın tolyq jabdyqtauǧa qarjylai qoldau körsettı.
Moŋǧoliiadan kelgen 13 jastaǧy Inju Qazaqstanǧa alǧaş ret kelıp otyrǧanyn aityp, erekşe quanyşymen bölıstı:
"Men Qazaqstanǧa keludı köpten armandadym. Äjem ünemı «senıŋ elıŋ – Qazaqstan» dep aityp otyratyn. Endı öz Otanymdy körıp, basqa elderdegı qazaq balalarymen dos bolu armanym oryndaldy. Ana tılınde söilei alatynym üşın maqtanamyn", – dedı jas qatysuşy.
Aita keteiık, Halyk qaiyrymdylyq qory – Timur Qūlybaev jetekşılık etetın kommersiialyq emes ūiymdardyŋ bırı. Qor densaulyq saqtau, bılım beru, äleumettık qorǧau, mädeniet jäne sport salalarynda auqymdy äleumettık jobalardy jüielı türde jüzege asyryp keledı. Sonymen qatar, biyldan bastap qor şeteldegı qazaq balalaryna tuǧan jermen bailanys ornatuǧa mümkındık beretın jaŋa bastamalardy qolǧa aldy. Būl jobalar olardyŋ ūlttyq bolmysyn saqtauyna, qazaq tılın meŋgeruıne jäne tarihi tamyryn tereŋ tanyp-bıluıne baǧyttalǧan.
Mūndai jūmystar bır rettık şara emes, qor qyzmetınıŋ basym jäne ūzaq merzımdı baǧyttarynyŋ bırı bolmaq.
Düniejüzı qazaqtarynyŋ qauymdastyǧy – 33 jyldyq tarihy bar halyqaralyq qoǧamdyq ūiym. Qauymdastyq respublikadan tysqary, şetelderde tūratyn qazaq diasporasymen jan-jaqty bailanys ornatu, mädeni jäne bılım beru mäselelerı boiynşa qoldau körsetu maqsatynda qūrylǧan.
Sonymen qatar, qauymdastyq tarihi otanyna qonys audarǧan qandastarǧa äleumettık qoldau körsetıp, qaiyrymdylyq şaralaryn jüielı türde ūiymdastyrady.
