Germanııada qazaqstandyq sýdıa joǵalyp ketti, dep habarlaıdy "Adyrna" tilshisi.
Bul týraly jýrnalıst Gúlmıra Ábiqaı 8 maýsym kúni Facebook jelisindegi paraqshasynda jazdy.
«Germanııada qazaq qyzy joǵaldy! Aıgúl Saılybaeva Astana qalasy Saryarqa aýdanynyń burynǵy sýdıasy, «Bolashaq» túlegi. Ol kúıeýi Aleksandr Donovpen birge 2019 jyly elden ketken. Ózinen biraz jas kishi, birneshe shet el azamattyǵy bar kúıeýimen álemniń biraz elinde turyp kelgen. Reseı, Amerıkany aınalyp, sońǵy kezde Germanııanyń Beınsheım shaharyna turaqtaǵan eken», – dep jazdy jýrnalıst.
Jýrnalıst jazbasynda áıeldiń 4 kúnnen beri eldegi týystarymen baılanysqa shyqpaǵany jazylǵan. Aıgúldi baýyry Qanat Saılybaev izdep sharq uryp otyr. Aǵasynyń aıtýynsha, burynǵy sýdıa kúıeýi men enesinen shet elde turmystyq zorlyq-zombylyq kórgen.
«Qazir bul máselege SIM aralasty, Beınsheım polıııasyna aryz berildi. Alaıda, kúıeýi áıelin kórmedim, bilmedimnen ári aspaı otyr. Al enesi Natalıany nemis polıııasynyń ózi tappaı jatyr. Belgilisi, Aıgúl men Aleksandrdyń arasynda 3 jasar Jaklın esimdi qyzy bar, ol Germanııa azamaty. Al kúıeý balanyń kim ekeni, mamandyǵy men jumysy, tabysy, jalpy nemen ómir súretininen qaıyn jurt esh habarsyz eken», – deıdi Gúlmıra Ábiqaı.
