Prokýratýra Jambyl oblysynyń burynǵy ákimi Kárim Kókirekbaevqa qatysty aqtaý úkimine shaǵym túsirýge daıyndalýda, dep habarlaıdy “Adyrna” ulttyq portaly Bas prokýratýranyń baspasóz qyzmetine siltep.
«2024 jylǵy 7 maýsymda Almaty oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen Qazaqstan Respýblıkasy Tótenshe jaǵdaılar mınıstrligi «Qazselqorǵaý» memlekettik mekemesiniń burynǵy basshysy K.N.Kókrekbaevqa qatysty aqtaý úkimin jarııalady. Oǵan bir top adamdardan asa iri kólemde birneshe ret para aldy degen aıyp taǵyldy. Prokýratýra bul sot úkimi boıynsha onyń kúshin joıý týraly apellıaııalyq shaǵym túsiredi», - delingen senbi kúni taratqan habarlamada.
Jýrnalıst Mıhaıl Kozachkov bir kún buryn Kókirekbaevtyń aqtalǵanyn habarlady.
«Búgin Almaty oblysynyń qylmystyq ister jónindegi mamandandyrylǵan aýdanaralyq sotynda «Antıkor» qyzmetkerleri 2022 jyldyń jeltoqsanynda tintýden keıin 396 mıllıon teńge kóleminde para alý isi boıynsha «Qazselqorǵaý» memlekettik mekemesiniń basshysy Kárim Kókirekbaev pen onyń orynbasary Ádilet Ahataevqa qatysty úkim shyqqan bolatyn. Olarmen birge para berýshi «Bazıs Konstrakshn Infr» JShS dırektory Andreı Poplavskıı de ustaldy. Qylmystyq is materıaldaryna sáıkes, ol aqshany onyń kompanııasy “Qazselqorǵaýda” ondaǵan mıllıard teńgeniń tenderlerin jeńip alǵany úshin tólegen», — dep jazdy jýrnalıst óziniń Telegram-arnasynda.
Ol is 2023 jyldyń shildesinde sotqa jiberilgenin jáne Kókirekbaevtyń ótinishi boıynsha sot proesine alqabıler qatysqanyn atap ótti.
«Tergeý tek «Bazıs» ókili Poplavskıı men «Kazselqorǵaý» basshysynyń orynbasary Ahataevtyń ǵana kinásin dáleldeı aldy degen qorytyndyǵa kelgen. Ekeýi de 11 jylǵa bas bostandyǵynan aıyryldy. Biraq qazylar alqasy Kárim Kókirekbaevty aqtady. Úkim zańdy kúshine engen joq», - dep túsindirdi Kozachkov.
Esterińizge sala keteıik, buǵan deıin K.Kókirekbaevtyń qylmystyq isine aqtaý úkimi shyqqanyn jazǵan bolatynbyz.
