Qazaqstan kedenindegi sybaılas jemqorlyq isi boıynsha aıyptalýshylar ustaldy, dep habarlaıdy "Adyrna" saıty QR Bas prokýratýrasynyń baspasóz qyzmetine siltep.
«Sybaılas jemqorlyqqa qarsy qyzmet pen Bas prokýratýranyń birlesken is-qımylymen «Nur joly» keden beketiniń basshysy men onyń orynbasary qylmystyq áreketke sáıkes prokýratýra qyzmetkerine 50 myń AQSh dollary kóleminde para bergen jerinen ustaldy. Sondaı-aq «Cargo Management» JShS ókili ınspektorlarǵa 30 myń dollar kóleminde para bergeni úshin qamaýǵa alyndy, dep habarlady seısenbi kúni Bas prokýratýranyń resmı ókili Darhan Dúısembaı.
Bas prokýratýrada naqtylanǵandaı, 27 qańtarda «Bereket Logıstık» JShS-niń júkterin qaıta tekserý barysynda prokýrorlar jalpy quny 22 tonna, quny on mıllıon teńgeni quraıtyn kontrabandalyq júkti anyqtasa, «Nur joly» keden beketiniń mamany Moshkanov jedel-izdestirý sharalaryn júrgizgen. Bastapqy tekserýde deklaraııalanbaǵan taýarlardyń salmaǵy nebári 337 kg bolǵan.
«Taǵy bir jaǵdaıda Almaty qalasy boıynsha Memlekettik kirister departamentiniń qyzmetkerleri aqparattyq júıelerdegi aqparatty túzetý arqyly toǵyz ımporttaýshyǵa 143 mıllıon teńge somasyndaǵy taýarlardyń kedendik qunynyń tekserisine kóz juma qaraǵan», - dep tolyqtyrdy qadaǵalaý organy.
Barlyq ister tergelýde.
«Kedendik retteý salasyndaǵy problemalardy joıý maqsatynda Úkimetke prokýrorlyq qadaǵalaý aktisi engizildi», - dedi Dúısembaı.
Eske salaıyq, buǵan deıin Qazaqstan prezıdenti Qasym-Jomart Toqaev keshendi tekserý júrgizýdi jáne kedendik shekarada tártipti qamtamasyz etýdi tapsyrǵan bolatyn, sodan keıin 29 qańtarda BAQ Qazaqstannyń yqpaldy otbasy ókilderimen baılanysy bar keden operatorlaryn tekserip jatqanyn habarlady. Keıinirek, 1 aqpandaǵy kezdesýde Toqaev bul taqyrypqa taǵy da oralyp, kedendegi jáne basqa da birqatar salalardaǵy sybaılas jemqorlyqpen kúresti kúsheıtýdi tapsyrdy - prezıdent aıtqandaı, shekarada sybaılas jemqorlyqqa tap bolǵandardyń jartysy keden qyzmetkerlerine para bergen. Sondaı-aq 1 aqpanda «Dostyq» jáne «Altynkól» keden beketteriniń basshylary Erlan Ómirzaqov pen Málik Sháýlenovtiń qyzmetinen alynǵanyn habarlandy. Osy kúni agenttik yqpaldy otbasymen baılanysy bar birqatar qazaqstandyq fırmalar Qytaıdan, Birikken Arab Ámirlikterinen jáne Túrkııadan kontrabandalyq ónim ákeldi degen kúdikke ilingenin habarlady.
Aqpannyń 10-y kúni Májilis depýtaty Aıdos Sarym «Qorǵastaǵy» zańsyz shemalardan eń kóp paıda alýshylardyń aty-jónin tekserýden keıin jarııa etýge ýáde berdi.
14 aqpanda Aqorda úsh apta ishinde Qazaqstan men Qytaı shekarasyndaǵy tekserýler boıynsha segiz qylmystyq is qozǵalǵanyn habarlady.
16 aqpanda Qazaqstan EAEO deńgeıinde qytaılyq taýarlardyń «sur» aınalymy máselesin kóterdi.
22 aqpanda Qazaqstan men Qytaı arasyndaǵy kedendik derekterdegi alshaqtyq 5,7 mıllıard dollardy quraıtyny belgili boldy. Sonymen birge Qyrǵyzstannan Qazaqstanǵa júk kólikteriniń 90 paıyzy deklaraııalanbaǵan qytaılyq taýarlardy tasymaldaıtyny belgili boldy.
3 mamyrda Bas prokýratýra keden salasyndaǵy zańsyz shemalardan kelgen shyǵyn 165 mıllıard teńgeni quraıtynyn habarlady.Bas prokýratýra sonymen qatar QazTAG agenttiginiń Qazaqstandaǵy eń yqpaldy otbasylardyń birine qatysy bar fırmalardyń kontrabandaǵa qatysty derekterin rastady.
"Adyrna" ulttyq portaly
