Búgin, 6 maýsym Ázerbaıjan astanasynda túrki memleketteri Parlamenttik Assambleıasynyń (TúrkPA) HIII plenarlyq otyrysy jáne Assambleıa Keńesiniń otyrysy ótti. Is-sharalarǵa Májilis tóraǵasy Erlan Qoshanov bastaǵan Qazaqstan Parlamentiniń delegaııasy qatysty.
Túrki memleketteri parlamentteri basshylarynyń búgingi kezdesýi «Túrki Álemi aldyndaǵy jasyl kókjıekter: jasyl kún tártibine qol jetkizýdegi parlamentterdiń róli» taqyrybyna arnaldy.
Sapar Ázerbaıjan Respýblıkasynyń Prezıdenti Ilham Álıevtiń parlamentter delegaııalarynyń basshylarymen kezdesýinen bastaldy. Ázerbaıjan basshysy túrki memleketteriniń tabysty ıntegraııasyndaǵy zań shyǵarýshy organdardyń rólin atap ótti. Májilis spıkeri Qazaqstan Prezıdenti Qasym-Jomart Toqaevtyń sálemi men jyly lebizin jetkizdi.
«Búginde Qazaqstan men Ázerbaıjan baılanysy úlgi bolarlyq deńgeıde. Qasym-Jomart Kemeluly men Sizdiń aralaryńyzdaǵy tyǵyz senimdi dıalog – bizdiń tabysty yntymaqtastyǵymyzdyń kepili. Qazaqstan men Ázerbaıjan parlamentteri de osyndaı senim men yntymaqtastyq rýhynda jumys istep jatyr dep senimmen aıta alamyn», – dedi Erlan Qoshanov.
TúrkPA Keńesiniń otyrysynda Uıymǵa tóraǵalyq etýdi Ázerbaıjan Respýblıkasynyń Mıllı Májilisi qabyldady.
Plenarlyq sessııada sóz sóılegen Erlan Qoshanov TúrkPA Qazaqstannyń bastamasymen túrki birligin nyǵaıtý úshin parlamenttik alań retinde qurylǵanyn atap ótti. 15 jyldan beri uıym bul mıssııany sátti oryndap keledi.
Jıyn taqyrybynyń ózektiligine toqtalǵan Májilis spıkeri jasyl energetıkaǵa kóshý jáne kómirtegi beıtaraptyǵy Uıymǵa qatysýshy elder úshin klımattyq kún tártibindegi ortaq maqsat ekenin atap ótti.
«Qazaqstan Prezıdenti Qasym-Jomart Toqaev buǵan erekshe kóńil bólip otyr. Qazaqstan klımat boıynsha halyqaralyq sharttar mindettemelerine qol jetkizýge baǵyttalǵan jumysty júrgizýde. Máselen, byltyr 2060 jylǵa deıingi kómirtegi beıtaraptyǵyna qol jetkizý strategııasy bekitildi. Sý jáne Salyq kodeksteri ázirlenýde. Onda «Jasyl kún tártibi» eskerilýde. Parlament bul jumysqa tolyǵymen atsalysýda», – dedi Erlan Qoshanov.
Májilis tóraǵasy «Jasyl Qazaqstan» ulttyq baǵdarlamasynyń júzege asyrylý barysy týraly aqparat berdi. Onyń aıasynda ekojúıeni qorǵaý boıynsha aýqymdy jobalar qolǵa alynǵanyn aıtyp, klımattyń ózgerýine qarsy kúrestegi Ázerbaıjannyń bastamalaryna qoldaý bildirdi. Osyǵan baılanysty Erlan Qoshanov Ázerbaıjanǵa bıyl qarasha aıynda Bakýde ótetin Birikken Ulttar Uıymynyń Klımattyń ózgerýi týraly negizdemelik konvenııasy (COP29) taraptarynyń 29-konferenııasynyń tabysty ótýin tiledi.
Sonymen birge Májilis spıkeri jasyl ekonomıka taýarlary men qyzmetteriniń standarttaryna ortaq kózqaras qalyptastyrý qajettigine nazar aýdardy.
Kezdesýde taraptar TúrkPA elderine arnalǵan birqatar modeldik zań qabyldaý máselesin de talqylady. Olardyń qatarynda jeke derekterdi qorǵaý, eńbek naryǵynyń talaptaryna saı kadr daıarlaý, saýda ókildikteri, aınalymǵa shyǵarylatyn ónimderdiń qaýipsizdigi men sapasy jáne temeki ónimderin paıdalanýdy shekteý týraly zań jobalary bar.
Assambleıanyń XIII otyrysy alańynda negizgi sessııadan bólek depýtattardyń qatysýymen parlamentshi áıelderdiń, jastar tobynyń, sondaı-aq TúrkPA aıasyndaǵy Parlament apparattary basshylarynyń kezdesýleri ótti.
TúrkPA-nyń XIII plenarlyq otyrysynyń qorytyndysy boıynsha qatysýshylar Baký deklaraııasyn qabyldady.
Sondaı-aq otyrys kúni parlamentter spıkerleri Ázerbaıjan ultynyń kóshbasshysy Geıdar Álıevtiń rýhyna taǵzym etip, Máńgilik alaýǵa gúl shoqtaryn qoıdy.
