Májilistiń jalpy otyrysynda «AMANAT» partııasy frakııasynyń jetekshisi Elnur Beısenbaev Úkimettiń jáne Joǵary aýdıtorlyq palatanyń 2023 jylǵy respýblıkalyq bıýdjettiń atqarylýy týraly esebine qatysty pikir bildirdi.
Depýtattyń aıtýynsha, ekonomıkanyń jaı-kúıin beıneleıtin birqatar kórsetkishter áli de kóńil kónshitpeıdi.
«Elimizde jumys isteıtin 10 mıllıon adamnyń 9 mıllıonynda nesıe bar bolsa, al boryshkerler reestrinde qaryzy bar jeke tulǵalardyń sany – 3,5 mıllıon adam. Sondaı-aq, tutynýshylyq nesıe kólemi 2022 jyly 13,2 trln teńge bolsa, 2023 jyldyń qorytyndysy boıynsha 18,2 trln teńgeni qurap otyr. Iaǵnı, 1 jylda nesıe alýshylardyń somasy – 5 trıllıonǵa ósti», – dedi ol.
Elnur Beısenbaevtyń aıtýynsha, bul ıfrlar – halyqtyń qaryzǵa ómir súrip jatqanynyń naqty belgisi. 18 trln teńge kólemindegi tutynýshylyq nesıe – elimizdiń jyldyq bıýdjetiniń 78 paıyzyna para-par. Bul nesıelerdiń ýaqytyly tólenbeýi elimizdiń qarjy júıesin bir kúnde tehnıkalyq defoltqa alyp kelýi múmkin.
«2023 jylǵy bıýdjet qarajatynyń 489 mlrd teńgesi tıimsiz jumsalǵan. Onyń ishinde 70 mlrd teńge ıgerilmegen, 87 mlrd teńge qazynalyq shotta qalyp qoıǵan. Eń ókinishtisi, bul jyldan jylǵa qaıtalanyp keledi. Budan bólek, el bolyp tabatynymyz – 14,5 trıllıon teńge, al jumsaıtynymyz – shamamen 23 trln. Iaǵnı 35 proent memlekettik bıýdjet qaryzdan, qordan quralady. Bul – óte qaýipti qubylys, ıaǵnı qarjylyq balans joq», – dedi depýtat.
