Doping dauyna ılıkken belgılı boksşy Jänıbek Älımhanūly äleumettık jelı arqyly ündeu jasady, dep habarlaidy «Adyrna» tılşısı.
Sportşy qoldau bıldırgen barşa janǧa alǧysyn jetkızdı.
«Şeteldıkter dauǧa quanyp jatqanda, öz qazaǧym olarǧa qosylmai, jatqa jyǧyp bermei, qasymnan tabylyp, taza ekenımızge senım bıldırıp jatqany janyŋa demeu bolady eken»,-dedı ol.
Boksşy janküierlerınıŋ qiyndyqta da qasynan tabylǧanyn erekşe atap öttı.
«Menıŋ bır quanatynym, boks kareramda jaman janküier jinamappyn. Men qazaqqa bolysatyn, qazaq üşın jany auyratyn, qazaqqa jaqtasatyn janküier jinappyn. Menıŋ janküierlerım tek kök tudy jelbıretkende ǧana qasymnan tabylatyn emes, qiyndyqta da qoldaityn janküier eken. Būl tüsıne bılgenge ülken baq!» – dep jazdy Jänıbek Älımhanūly.
Eske salaiyq, Älımhanūly 7 jeltoqsanda San-Antonioda WBA chempiony Erislandi Laramen bırıktıruşı jekpe-jek ötkızuı kerek bolatyn. Alaida 3 jeltoqsanǧa qaraǧan tünı qazaqstandyq sportşynyŋ doping synamasynan tyiym salynǧan meldonii därılık zaty tabylǧany aityldy. Osydan keiın ūiymdastyruşylar ony jekpe-jekten şettettı.
