Reseı prezıdentiniń baspasóz hatshysy Dmıtrıı Peskovtyń qyzy Qazaqstanda jeke sáıkestendirý nómirin aldy, dep habarlaıdy “Adyrna” ulttyq portaly «Nastoıaee vremıa» basylymyna siltep.
Dmıtrıı Peskovtyń qyzy Elızaveta JSN-ge ıe boldy.
«Reseı prezıdentiniń baspasóz hatshysynyń qyzynyń aty-jóni Elızaveta Peskova Qazaqstanda jeke sáıkestendirý nómirin (JSN) aldy; týǵan kúnderi de sáıkes keledi», - dep jazylǵan basylym málimetinde.
Málimetter Qazaqstannyń Ulttyq kýálandyrý ortalyǵynyń onlaın reestrinen jáne basqa da derekter bazalarynan tabylǵan.
Reseılik BAQ Elızaveta Peskovanyń 2022 jyldyń qyrkúıegine deıin JSN alǵanyn aıtady. Oǵan dálel JSN Nur-Sultan qalasy boıynsha memlekettik kirister departamentine berilgen. Bas qala Nur-Sultan ataýynan Astanaǵa 2022 jyly qyrkúıeginde ózgertilgen.
Aıta keteıik, Vladımır Pýtınniń baspasóz hatshysynyń qyzy 2022 jyldyń naýryzynda AQSh-tyń, birneshe aıdan keıin Eýropalyq Odaq sankııalaryna ushyraǵan.
Basylym aqparatynsha, Reseı men Ýkraına arasyndaǵy soǵys bastalǵannan keıin reseılikter jergilikti bankterde shot ashý jáne Visa men Mastercard qoıǵan shekteýlerdi aınalyp ótý úshin Qazaqstan Respýblıkasynda jappaı JSN-ge ótinim bere bastaǵan.
