30 mamyrda Qazaqstan Respýblıkasynyń Ulttyq kitaphanasynda Qyrǵyzdyń halyq jazýshysy, Toqtoǵul atyndaǵy Memlekettik syılyqtyń laýreaty, TÚRKSOI halyqaralyq túrki mádenıeti uıymynyń Bas hatshysy Sultan Raevtyń «Kókjal» atty kitabynyń tusaýkeser rásimi ótti.
Sharanyń moderatory – QR Prezıdenti syılyǵynyń laýreaty, «Qazaq radıosy» Almaty fılıalynyń bas redaktory Baqyt Jaǵyparuly.
Sharada Túrki halyqtary Jazýshylar odaǵynyń tóraǵasy Ulyqbek Esdáýlet; QR Jazýshylar odaǵy tóraǵasynyń orynbasary Nurjan Qýantaıuly; Almaty qalasy Mádenıet basqarmasy tóraǵasynyń orynbasary Halbekov Arman Beısenbaıuly; Qazaqstannyń Eńbek Eri, dramatýrg, jazýshy Dýlat Isabekov; Qazaqstannyń Halyq jazýshysy Elýbaı Smaǵul Abatuly; M.Áýezov atyndaǵy Ádebıet jáne óner ınstıtýtynyń dırektory Matyjanov Kenjehan Islámjanuly; jazýshy, Halyqaralyq «Alash» ádebı syılyǵynyń ıegeri Qýandyq Túmenbaı; Qazaqstannyń Halyq jazýshysy Ahmetjan Ashırı; “Atamura” baspasynyń vıe-prezıdenti Qul-Muhammed Rahıma Abrarqyzy; aqyn, aýdarmashy Dáýletbek Baıtursynuly; «Serper» jastar syılyǵynyń laýreaty, aqyn Saıat Qamshyger jáne t.b. zııaly qaýym ókilderi sóz sóılep, baýyrlas el qyrǵyz ben qazaq ádebıetiniń tyǵyz qarym-qatynasy týraly jyly pikirlerin bildirdi.
«Kókjal» kitabyndaǵy shyǵarmalar avtordyń qalyptasqan ózindik qoltańbasy, tereń dúnıetanymy, aıqyn kózqarasy arqyly bizdiń dáýirimizdiń tutas panoramasyn beıneleıdi. Sondaı-aq, avtor óz zamandastarynyń san alýan minez-qulqy men jan dúnıesin ashyp, psıhologııalyq, rýhanı qyrlaryn sheber sýrettegen. Kitap názik lırızm, ishki dramatızm fılosofııalyq mánerimen, oqýǵa jeńil tilmen, unamdy ázilimen erekshelenedi.
Kitap muqabasy saıaq jortqan kókjal qasqyr men búgingi qoǵamymyzdaǵy adamdar tirshiligi salystyra baıandalǵan «Kókjal» hıkaıatynyń fılosofııasyna negizdelip, kórkem bezendirilgen.
Buǵan deıin de «Atamura» baspasynan qyrǵyzdyń uly jazýshysy Shyńǵys Aıtmatovtyń «Qyzyl alma», «Jámılá», «Janpıda», «Aq keme», «Ǵasyrdan da uzaq kún», «Ǵasyr aıryǵyndaǵy syrlasý (Quz basyndaǵy ańshynyń zary)» jáne t.b. shyǵarmalar jınaǵy birneshe tilde jaryq kórgen bolatyn.
Shara aıasynda «Kókjal» kitabynyń tanystyrylymy jasalyp, atalmysh kitaptyń 5 danasy Ulttyq kitaphana qoryna syıǵa tartty.
Shara sońynda Qyrǵyzdyń halyq jazýshysy Sultan Raev atalmysh eńbegin qazaq tiline aýdarǵan qazaq aýdarmashylarǵa, «Atamura» baspasynyń ujymyna jáne is-sharany uıymdastyrǵan Ulttyq kitaphana ujymyna alǵysyn bildirdi.
Sonymen qatar, Ulttyq kitaphana qorynan Sultan Raevtyń ómiri men shyǵarmashylyǵyna arnalǵan kitap kórmesi uıymdastyryldy.
Aıta keteıik, «Atamura» baspasy túrkitildes halyqtardyń kórkem shyǵarmalaryn basyp shyǵarýmen biraz jyldan beri aınalysyp keledi. Atap aıtar bolsaq, túriktiń belgili jazýshysy, ázil-syqaqtyń áıgili sheberi Ázız Nesınniń «Áńgime oqı otyryńyz», ázerbaıjannyń halyq jazýshysy, Memlekettik syılyqtyń ıegeri Anar Rzaevtyń «Bes qabatty úıdiń altynshy qabaty» jáne t.b. túrki ádebıetindegi tanymal jazýshylardyń shyǵarmalaryn aýdaryp, jalpy oqyrmanǵa usynǵan bolatyn.
Osyǵan oraı «Kókjal» kitabynyń avtory Sultan Raev ta ózi Bas hatshylyq qyzmetin atqaryp otyrǵan túrki álemine ortaq TÚRKSOI, ıaǵnı Túrki mádenıetin jáne ónerin damytý halyqaralyq uıymy atynan «Atamura» korporaııasynyń Prezıdenti, QR eńbek sińirgen qaıratkeri Raqymǵalı Abraruly Qul-Muhammedti túrki dúnıesiniń rýhanı álemine qosyp otyrǵan úlesi úshin «Túrksoı» medalimen marapattap, alǵysyn bildirdi.
«Kókjal» kitabyndaǵy shyǵarmalardy aýdarýǵa atsalysqan belgili aqyn Saıat Qamshyger de sóz alyp, aýdarma barysynda alǵan áserin jurtshylyqpen bólisip, Ýfa qalasyndaǵy «Kıtap-Baıram» Halyqaralyq kitap jármeńkesi aıasynda ótken «Jyl kitaby» konkýrsynyń «Bilim berý salasyna qosqan úlesi úshin» nomınaııasynyń júldegeri atanǵan «Atamura» baspasyna berilgen Arnaıy dıplomdy tabystady.
