— eger bireý əńgime aıtyp jatqanda səbı túshkirse, aıtylǵandardyń bəriniń ras bolǵany
—eger bala esh sebepsiz tilin shyǵarsa, úıge qandaı da bir habar keledi
— eger bala qolyndaǵy zattardy «shashý» dep shashsa, onda bul úıde toı, qýanysh bolady.
— balanyń eńbegin basýǵa bolmaıdy, sebebi qazaqtar balanyń baqyty eńbeginde bolady dep senedi. Eger bassa, onyń mıy zaqymdalady, ómirine qaýip tóndiredi
— eger otbasynda tek qyzdar týyla berse, kelesi balanyń ul bolýy úshin qyzǵa uldyń esimin beredi nemese Ul-dan bastalatyn at qoıady. Mysaly, Ulbala, Uldana, Ulbıke
— eger úıge kishkentaı bala qydyryp kelse, ony qur qol jiberýge bolmaıdy. Sebebi, balanyń kóńili, meseli qaıtady. Eger qonaq bala úıden kóńilsiz kúıde, renjip shyqsa, úıden baq-bereke ketedi
— eger bala jerge qolyn tirep, eki aıaǵynyń ortasynan basyn shyǵaryp jol qarasa, bul jaqsy yrym. Kópten kútken qonaq nemese kópten kórispegen aǵaıyn qonaqqa keledi
— balanyń qaryn shashyn alǵanda, ony tastamaı, saqtap qoıý kerek. Sebebi, bala qyrqynan shyqqansha nemese jeti aıǵa tolǵansha əlsiz bolady
— balanyń besiginiń bas jaǵyna pyshaq, qamshy, qaıraq salyp qoıady. Bul jyn-shaıtan men zııankes jəndikterden qorǵaıdy
— balaǵa qoıdyń tańdaıyn jegizedi, jeztańdaı ənshi bolady dep sengen
— balany qyrqynan shyqqansha túnde alyp júrýge bolmaıdy. Oǵan aı səýlesi túsýi múmkin, al ol jaman yrym bolyp sanalady
— eger bala shalqasynan jatyp uıyqtasa — belgili adam bolyp ósedi, búk túsip jatsa — ýaıymshyl, eger etpetinen jatsa — oıshyl bolady. Al aıaq-qolyn erkin sozyp jatsa, batyr, erjúrek bolyp ósedi
— eger qarııa shóberesiniń alaqanynan sý ishse, jumaqqa barady
— eger bala qol shapalaqtasa, úıge qýanyshty habar keledi.