Almaty qalasy ákimi apparaty basshysynyń buıryǵymen apparat basshysynyń orynbasary bolyp Sharhan Tursynbaev taǵaıyndaldy, dep habarlaıdy “Adyrna” ulttyq portaly.
Sharhan Shaımerdenuly Tursynbaev 1987 jyly Ońtústik Qazaqstan oblysynda dúnıege kelgen. Ol Qazaq bas sáýlet-qurylys akademııasyn jáne Qazaqstan Halyqtar dostyǵy ýnıversıtetin bitirgen.
Kásibı mansabyn 2010 jyly Almaty qalasy Memlekettik sáýlet-qurylys baqylaý basqarmasynda bas maman bolyp jumysqa kirisken kezde bastaǵan. Sońǵy jyldary Áýezov jáne Naýryzbaı aýdany ákimderiniń apparatynda túrli qyzmet atqardy. 2018 jyly Almaty qalasy ákimi apparatynyń uıymdastyrý jáne baqylaý jumysy bóliminiń bas mamany bolyp jumys istedi.
2019 jyldan bastap qazirgi ýaqytqa deıin Almaty qalasy Áýezov aýdany ákiminiń orynbasary, apparat basshysy bolyp eńbek etken.
