Belgili jýrnalıst Nurdildá Oraz jańa qyzmetke taǵaıyndaldy. Bul týraly Batys Qazaqstan oblysy ákimdigi málimdedi, dep habarlaıdy “Adyrna” ulttyq portaly.
Vedomstvonyń málimetinshe, Memlekettik qyzmet isteri agenttiginiń kelisimi boıynsha jáne oblys ákiminiń ókimimen Batys Qazaqstan oblysy qoǵamdyq damý basqarmasynyń basshysy laýazymyna Nurdildá Oraz taǵaıyndalǵan.
Aıta keteıik, Nurdildá Oraz 1981 jyly dúnıege kelgen. Bilimi joǵary. Ál-Farabı atyndaǵy Qazaq ulttyq ýnıversıtetin "Jýrnalıstıka" jáne QR IIM B. Beısenov atyndaǵy Qaraǵandy akademııasyn Quqyq qorǵaý qyzmeti mamandyqtary boıynsha bitirgen.
Eńbek jolyn 2003 jyly "31 arna" JShS "Informbıýro" jańalyqtar qyzmetiniń korrespondent-júrgizýshisi bolyp bastaǵan. 2004-2009 jyldary – "Astana" telearnasynyń reporter-sarapshysy, "Qazaqstan" ulttyq arnasynyń aqparattyq-saraptamalyq baǵdarlamalarynyń redaktor-júrgizýshisi bolǵan.
2009 jyly ishki ister organyndaryna aýysyp, Astana qalasynyń Ishki ister departamentiniń til saıasaty jáne aqparat bóliminiń basshysy, Ishki ister mınıstrligi Memlekettik til jáne aqparat departamentiniń dırektory, mınıstrdiń baspasóz hatshysy, keıinnen resmı ókili qyzmetterin atqarǵan.
