Belgılı jurnalist Nūrdıldä Oraz jaŋa qyzmetke taǧaiyndaldy. Būl turaly Batys Qazaqstan oblysy äkımdıgı mälımdedı, dep habarlaidy “Adyrna” ūlttyq portaly.
Vedomstvonyŋ mälımetınşe, Memlekettık qyzmet ısterı agenttıgınıŋ kelısımı boiynşa jäne oblys äkımınıŋ ökımımen Batys Qazaqstan oblysy qoǧamdyq damu basqarmasynyŋ basşysy lauazymyna Nūrdıldä Oraz taǧaiyndalǧan.
Aita keteiık, Nūrdıldä Oraz 1981 jyly düniege kelgen. Bılımı joǧary. Äl-Farabi atyndaǧy Qazaq ūlttyq universitetın "Jurnalistika" jäne QR IIM B. Beisenov atyndaǧy Qaraǧandy akademiiasyn Qūqyq qorǧau qyzmetı mamandyqtary boiynşa bıtırgen.
Eŋbek jolyn 2003 jyly "31 arna" JŞS "İnformbiuro" jaŋalyqtar qyzmetınıŋ korrespondent-jürgızuşısı bolyp bastaǧan. 2004-2009 jyldary – "Astana" telearnasynyŋ reporter-sarapşysy, "Qazaqstan" ūlttyq arnasynyŋ aqparattyq-saraptamalyq baǧdarlamalarynyŋ redaktor-jürgızuşısı bolǧan.
2009 jyly ışkı ıster organyndaryna auysyp, Astana qalasynyŋ Işkı ıster departamentınıŋ tıl saiasaty jäne aqparat bölımınıŋ basşysy, Işkı ıster ministrlıgı Memlekettık tıl jäne aqparat departamentınıŋ direktory, ministrdıŋ baspasöz hatşysy, keiınnen resmi ökılı qyzmetterın atqarǧan.
