Memleket basşysy Qasym-Jomart Toqaev Aida Balaevany jaŋa qyzmetke taǧaiyndady, dep habarlaidy “Adyrna”.
Tiıstı qūjatqa bügın, 31 tamyzda Prezident qol qoidy.
"Memleket basşysynyŋ Jarlyǧymen Aida Ǧalymqyzy Balaeva Qazaqstan Respublikasy Qauıpsızdık Keŋesı Töraǧasynyŋ orynbasary lauazymyna taǧaiyndaldy", – dep jazylǧan düisenbı künı Aqordanyŋ Telegram-arnasynda jariialanǧan resmi habarlamada.
Aida Balaeva 2000 jyly Abai atyndaǧy Almaty memlekettık universitetın, al 2007 jyly Qazaq ūlttyq agrarlyq universitetın tämamdaǧan.
1999-2004 jyldary Almaty oblystyq aqparat jäne qoǧamdyq kelısım basqarmasynda jūmys ıstedı. 2004 jyly Almaty qalalyq aqparat basqarmasynyŋ taldau jäne boljau bölımın basqardy. 2006 jyly Almaty qalasy Işkı saiasat departamentınıŋ direktory boldy. 2010-2014 jyldary Astana qalasy äkımınıŋ orynbasary qyzmetın atqardy.
2014 jyly Prezident Äkımşılıgıne auysyp, Işkı saiasat bölımınıŋ meŋgeruşısı qyzmetın atqardy. 2019 jyly Aida Balaeva Prezidenttıŋ kömekşısı – Prezident Äkımşılıgınıŋ Ötınışterdı qaraudy baqylau bölımınıŋ meŋgeruşısı boldy.
2020 jyly Aqparat jäne qoǧamdyq damu ministrı bolyp taǧaiyndaldy. 2022 jyly Prezident Äkımşılıgı Basşysynyŋ orynbasary qyzmetıne kırıstı.
2023 jylǧy 2 qyrküiekte Prezident Jarlyǧymen Aida Balaeva Mädeniet jäne aqparat ministrı bolyp taǧaiyndaldy.
2025 jylǧy 1 jeltoqsanda Aida Balaeva Premer-ministrdıŋ orynbasary – Mädeniet jäne aqparat ministrı qyzmetıne taǧaiyndaldy.
