Qostanai poliseilerı äielder därethanasyn aŋdyǧan er adamdy ızdestırıp jatyr, dep habarlaidy “Adyrna” ūlttyq portaly.
«Faktı polisiiada tırkeldı. Ūsaq būzaqylyq jasaǧany üşın belgısız er adamǧa qatysty äkımşılık ıs qozǧaldy», - dep habarlady Qostanai polisiia departamentınen.
28 mamyrda Qostanaidaǧy sauda ortalyǧyna keluşılerdıŋ bırı äielder därethanasyndaǧy kabinanyŋ edenınde jatqan er adamdy kameraǧa tüsırıp alǧan. Qyz ortadaǧy kabinadan küdıgı baryn aitty.
«28 mamyrda «Mart» sauda ortalyǧynda ekınşı qabattaǧy äielder äjethanasyna kırdım. Men ortadaǧy kabinadan küdıktene bastadym, sosyn telefon kameramdy tömen tüsırıp, edende jatyp, qarap tūrǧan er adamdy videoǧa tüsırıp aldym», — dedı boijetken äleumettık jelıde.
Onyŋ aituynşa, keiınırek kameralardan äielder därethanasynda 30 minuttai bolǧan qara kiım men kögıldır tüstı jeide kigen aziialyq, şamamen 40 jas şamasyndaǧy er adamdy baiqaǧan.
«Äkımşılık pen küzetke bärıbır boldy, maǧan ülken aǧam keldı, bız qauıpsızdık qyzmetınıŋ basşysyn şaqyryp aldyq. Bız kameralardy qarap, 10.38-de onyŋ därethanaǧa eş qiyndyqsyz kırıp, 11.04-te menıŋ soŋymnan şyǧyp ketkenın baiqadyq», - dep habarlaidy boijetken.
Qostanailyq PD qazırgı uaqytta qūqyq būzuşynyŋ jeke basy anyqtalyp jatqanyn atap öttı.
Ūqsas jaŋalyqtar
