Televızııa ardageri Serik Baıhonov ómirden ótti, dep habarlaıdy "Adyrna" tilshisi.
Ol 1953 jyly 12 mamyrda Qyzylorda oblysynda ómirge kelgen. Oqýyn támamdaǵan soń Respýblıkalyq gazetter redakııalarynda,«Qazaqfılm» kınostýdııasynda jumys istedi. 1990—1998 jyldary Qazaq respýblıkalyq teledıdarynyń Bas redaktory qyzmetin, «Qazmyrysh» ashyq akıonerlik qoǵamynda eńbek etti.
Tulǵa 71 jasyna qaraǵan shaqta ómirden ótti. Qaraly habardy aqyn Baıbota Qoshym-Noǵaı Facebook jelisi arqyly jetkizdi.
"Qaraly habardy jetkizý munshama qıyn bolar ma?!. Aıaq astynan qaterli dertke boı aldyryp, taıaýda ǵana Túrkııada ota jasatyp kelgen soń, Astanada em alyp jatyr edi... Bir saǵat buryn dosymyz, jazýshy, saıahatshy, Qazaqstan Jazýshylar odaǵynyń Ahmet Baıtursynov atyndaǵy syılyǵynyń laýreaty Serik Baıhonovqa ýaqyt bolypty dep estidim.1973 jyly jıyrma jasynda tuńǵysh hıkaıaty «Jalǵasym meniń – jalǵasym meniń» «Jalyn» jýrnalynda jarııalanyp, jazýshy retinde qatarynan erte tanylǵan Serik Baıhonovtyń «Eń ystyq maýsym», «Qos shatyrly úı», «Sal ústindegi maýsym», «Quıylysta», «Ǵajapstanǵa saıahat», «Altaı Asý» t.b. kóptegen áńgimeler, hıkaıattar, roman jáne saıahat kitaptary jaryq kórgen. Ol qazaq televıdenıesi arqyly tanylǵan «Jigittiń sultany», «Taıbýryl», «Sıqyrly qazan», «Qazaqtyń Qajymuqany» respýblıkalyq konkýrstyq baǵdarlamalarynyń avtory boldy. Sekeń kásibı saıahatshy retinde «Sal ústindegi maýsym», «Aralǵa – arasha», «Arnalarǵa til bitse», «Ósimdikter jelisine saıahat»,«Betpaqdala – shól emes» ekspedıııalaryn basqardy.Qaraly habardy qulaǵym estise de, kóńilim senbeı, qosh, baqul bol deýge erinimniń ıkemi kelmeı otyr. Ómiri ómirimizben bite qaınasqan qalamger dosymyzdyń fánıdegi sapary aıaqtalyp, máńgilik ǵumyry bastaldy...", - dep jazdy.
Jazýshynyń tuńǵysh povesi «Jalǵasym meniń – jalǵasym». Ol 1973 jyly «Jalyn» jýrnalynda jaryq kórgen. Shyǵarmalary ana tilde jazylyp, orys tiline aýdarylǵan. «Jigittiń sultany», «Taıbýryl», «Sıqyrly qazan», «Qazaqtyń Qajymuqany» respýblıkalyq konkýrstyq baǵdarlamalarynyń avtory.
Kásibı saıahatshy retinde tanylǵan Serik Baıhonov «Sal ústindegi maýsym», «Aralǵa – arasha», «Arnalarǵa til bitse», «Ósimdikter jelisine saıahat», «Betpaqdala – shól emes» ekspedıııalaryn basqarǵan.
Qazaqstan Jazýshylar odaǵynyń Ahmet Baıtursynov atyndaǵy syılyǵynyń laýreaty atanǵan.
