Almaty oblysynda ornatylǧan soŋǧy ülgıdegı «SUNQAR» apparattyq-baǧdarlamalyq keşenderı turaly tyŋ derekter ataldy, dep habarlaidy “Adyrna” ūlttyq portaly.
Oblystyq polisiia departamentınıŋ habarlauynşa, SUNQAR kameralaria maşinany anyq köruge, sondai-aq naqty uaqyt rejimınde derekterdı taldap, zaŋ būzuşylyqtardy anyqtaityn integrasiialanǧan jasandy intellektke negızdelgen.
“Kamera öz ornyndaǧy esepteu quatyn paidalana otyryp, zaŋ būzuşylyqtardy tırkeidı, sodan keiın aiyppūl salu turaly şeşım qabyldau üşın materialdardy qūzyrly organdarǧa avtomatty türde jıberedı. Keşennıŋ basty erekşelıkterınıŋ bırı – quatty infraqyzyl projektordyŋ boluy, tıptı tünde de sapaly suretke tüsıruge mümkındık beredı, dep atap öttı oblystyq polisiia departamentınıŋ baspasöz qyzmetı.
Kameralar kelesı jol qozǧalysy erejelerın būzudy tırkeidı:
– jürgızuşı men aldyŋǧy jolauşynyŋ qauıpsızdık beldıkterınıŋ bolmauy;
– kölık jürgızu kezınde ūialy telefondy paidalanu;
– syrtqy jaryqtandyru qūrylǧylaryn dūrys paidalanbau;
– jaiau jürgınşıler ötkelınde jaiau jürgınşılerge basymdyq bermeu;
– belgılengen jyldamdyqtan asyp ketu;
– qiylystardyŋ aldynda tūtas syzyqty kesıp ötu;
– dūrys emes jerde tūraq nemese toqtau;
– tyiym salynǧan baǧdarşam arqyly jüru;
– bölıngen jolaqtarda jüru.
Jasandy intellekt kameralary Almaty oblysynda bır aptada 20 myŋ zaŋ būzuşylyqty anyqtady. Barlyǧy SUNQAR keşenı jol qozǧalysy erejelerın būzudyŋ 25 türın avtomatty türde tırkei alady.
Mamyrdyŋ 13-ı men 19-y aralyǧyndaǧy tärtıp būzuşylyq statistikasy jol qozǧalysy erejelerın būzudyŋ aitarlyqtai köp ekenın körsetedı. Bır aptada 20 myŋnan astam tärtıp būzuşylyq tırkeldı, būl jalpy jürgızuşılerdıŋ 19,6 paiyzyn qūraidy. Eŋ jiı kezdesetın būzuşylyq qauıpsızdık beldıkterınıŋ bolmauy boldy. SUNQAR kameralaryn engızu jol qauıpsızdıgın jaqsartuǧa, jürgızuşı tärtıbın qalyptastyruǧa jäne oblys joldaryndaǧy tärtıp būzuşylyq sanyn azaituǧa baǧyttalǧan, dep qosty polisiia.
Mūndai keşen qazır asa qauıptı uchaskede – Almaty-Kökpek-Köktal tas jolynyŋ 30-şy şaqyrymynda ornatylǧan.
Ūqsas jaŋalyqtar
