"Terezemdı ūrmaŋdarşy, tamşylar". Şyǧystanuşy, aqyn Ötegen Kümısbaevtyŋ tuǧanyna - 85 jyl

Aqyn, filologiia ǧylymdarynyŋ doktory Ötegen Kümısbaevtyŋ tuǧanyna 85 jyl toldy, dep habarlaidy “Adyrna” ūlttyq portaly. Ötegen Kümısbaev (1939 – 2016) 20 mamyrda Qyzylorda oblysy Jalaǧaş audanynda tuǧan. Qyzylorda qalasyndaǧy Ǧ.Mūratbaev atyndaǧy orta mekteptı bıtırgennen keiın, audandyq gazette ädebi qyzmetker bolyp ıstegen. 1963 jyly Qazaq memlekettık universitetınıŋ filologiia fakultetın bıtırgen. «Sosialistık Qazaqstan» (qazırgı «Egemen Qazaqstan»), «Qazaq ädebietı» gazetterınde ädebi qyzmetker, bölım meŋgeruşısı bolyp ıstedı. 1969-74 jj. Mäskeudegı KSRO ǦA-nyŋ Şyǧystanu institutynda oqyp, osy instituttyŋ aspiranturasyna tüsken. 1974 jyly «Tūrmaǧambet Iztıleuov jäne onyŋ «Rüstem-Dastany» degen taqyrypta kandidattyq dissertasiia qorǧady. Köp jyl boiy äl-Farabi atyndaǧy QazŪU-da ūstaz boldy. Filologiia ǧylymdarynyŋ doktory. Onnan astam öleŋ, äŋgıme, povest, ǧylymi kıtaptardyŋ avtory. Öleŋderı orys tılıne audarylyp, «Solidarnost», «Literatura i ty», «My – molodye» sekıldı Mäskeude şyqqan jinaqtarda basylǧan, şet elder tılıne audarylǧan. Parsy-ündı klassigı Ämır Hūsrau Dehlevidıŋ «Jūmaqtyŋ segız baǧy» dastanyn tüpnūsqasynan, sondai-aq M.Rylskiidıŋ «Rauşan men jüzım» öleŋ-poemalar kıtabyn (1987) tärjımalady. R.Ǧamzatov, Vs.Rojdestvenskii, Iаvuhulan jyrlaryn qazaqşalaǧan. Poliak revoliusionerı Iаnuşkevich jönınde roman jazǧan. Şyǧys ädebietı men qazaq ädebietınıŋ özara bailanysyn zertteuge arnalǧan «Tereŋ tamyrlar», «Abai jäne Şyǧys» (1995), «Mūhtar Äuezov jäne ädebiet älemı» (1997) monografiialary bar. Sondai-aq, jūrt äuendetıp älı künge deiın aityp jürgen “Tamşylar” änınıŋ sözın jazǧan.