Iran prezıdenti Ibragım Raısı men tikushaq apatynda qaza tapqandardyń denesi Tebrızge jóneltildi. Jedel izdestirý sharasy aıaqtaldy, dep habarlaıdy “Adyrna” ulttyq portaly. Bul týraly 2024 jyldyń 20 mamyrynda Irannyń Qyzyl jarty aı qoǵamy habarlady.
«Prezıdenttik tikushaq apatynda qaza tapqandardyń barlyq máıitteri apat ornynan jedel járdemge jetkizilip, Tebrızge jóneltildi... Máıitterdi izdeý aıaqtaldy», - dedi Iran Qyzyl jarty aı qoǵamynyń basshysy Pır Hosseın Kolıvand.
Qarańǵyda, tuman men jańbyrda da izdestirý jumystary jalǵasyp, tikushaqtyń synyqtary dron arqyly anyqtalǵanyn atap ótti.
Irannyń Qyzyl jarty aı qoǵamynyń basshysy prezıdent Raısıdiń qaıtys bolýyna baılanysty kóńil aıtty.
