Qulsary turǵyny tasqyn kezinde ómirge kelgen ulyn "Tasqynbaı" dep atap ketken, dep habarlaıdy "Adyrna" ulttyq portaly.
Atyraý oblystyq jedel shtaby tasqynnyń eń qaýipti tusynda ómirge kelgen balanyń jaǵdaıy jaqsy ekenin aıtady.
Juldyz Jandosqyzy tótenshe jaǵdaı kezinde alǵash ret ana atandy. Jas ana bosanǵannan keıin birden Qulsarydan evakýaııalanǵan.
"Tolǵaǵym qysyp Jylyoı aýdandyq aýrýhanasyna saǵat 00.00-de tústim, ulymdy 5 sáýirden 6 sáýirge qaraǵan túni dúnıege ákeldim. Balam úshin azdap qorqynyshty boldy, biraq dárigerler bári jaqsy bolady dep sendirdi. Men jáne taǵy bir bosanǵan áıel birneshe saǵattan keıin Beıneýge kóshirildik" , - dedi jas ana.
Bul Juldyz Jandosqyzynyń alǵashqy sábıi. Balanyń atasy men ájesi ony Bekzat dep ataýǵa sheshim qabyldaǵan. Degenmen sábı tasqyn kezinde ómirge kelgennen keıin, ony týystary "Tasqynbaı" dep atap ketken.
"Jylyoı aýdandyq aýrýhanasynyń dárigerlerine syn saǵatta janymyzda bolyp, ulym ekeýmizge kútim kórsetkeni úshin alǵys aıtamyn. Tipti, Beıneý qalasyna evakýaııalaý kezinde de janymyzda birge boldy. Beıneýlik dárigerlerge, shyǵarylǵanǵa deıin kómek pen qoldaý kórsetkeni úshin kóp rahmet", - dedi jas ana.
Sý tasqyny kezinde jas otbasynyń úıi zardap shekken joq
