Qarjylyq monitoring agenttıgı şamamen 140 myŋ azamatty medisinalyq ūiymdarǧa jalǧan tırkeu jäne körsetılmegen medisinalyq qyzmetter turaly jalǧan mälımet engızu arqyly Äleumettık medisinalyq saqtandyru qorynan zaŋsyz qarjy alu shemalaryn anyqtady, dep habarlaidy «Adyrna» tılşısı.
QMA mälımetınşe, qazırgı uaqytta atalǧan faktıler boiynşa 36 qylmystyq ıs tergelıp jatyr. Aldyn ala esep boiynşa memleketke keltırılgen şyǧyn kölemı 3,5 milliard teŋgeden asady.
QMA Türkıstan oblysynda Jetısai köpsalaly audandyq auruhanasynyŋ lauazymdy tūlǧalaryna qatysty tergeu jürgızılıp jatqanyn aitty. Tergeu derekterıne säikes, MÄMS aiasynda bölıngen qarajat ıs jüzınde eşqandai qyzmet körsetpegen jäne tauar jetkızbegen 20-dan astam jeke käsıpkerdıŋ esepşottaryna audarylǧan. Nätijesınde memleketke 501 million teŋgeden astam şyǧyn keltırılgen. Is boiynşa ekı küdıktı qamauǧa alynǧan.
Sondai-aq Astanada «Forte Clinic» jeke klinikasynyŋ basşysy Äleumettık medisinalyq saqtandyru qorynan zaŋsyz qarjy alu shemasyn ūiymdastyrǧany üşın 5 jylǧa bas bostandyǧynan aiyrylǧan. Onyŋ sybailasy – Densaulyq saqtaudy damytudyŋ ūlttyq ǧylymi ortalyǧynyŋ qyzmetkerı azamattardy tırkeu turaly ötınımderdı zaŋsyz maqūldaǧany üşın 3 jylǧa sottalǧan. Tergeu barysynda klinikaǧa 15 myŋnan astam azamattyŋ zaŋsyz tırkelgenı jäne 79 million teŋgenıŋ jalǧan medisinalyq qyzmetı räsımdelgenı anyqtalǧan.
Al Almaty oblysynda «Mydental.kz» jäne «Stomatologiia Dr. Nurzhanova» klinikalarynyŋ basşysy stomatologiialyq qyzmet körsetu kezınde alaiaqtyq jasaǧany üşın 4 jylǧa sottalǧan. Tergeu mälımetınşe, pasientterge naqty qyzmet körsetılmegen, al qūjattardy räsımdeu üşın därıgerlerdıŋ tırkelgılerı men kämeletke tolmaǧandardyŋ jeke derekterı paidalanylǧan. Nätijesınde memleketke 66 million teŋge şyǧyn keltırılgen.
Qarjylyq monitoring agenttıgı būl baǧyttaǧy jūmystardyŋ jalǧasyp jatqanyn mälımdedı.
