Atyrau oblysynda moped jürgızuşısı jasöspırımdı qaǧyp öltırdı, dep habarlaidy "Adyrna" ūlttyq portaly QazAqparatqa sıltep.
Atyrau oblysy polisiia departamentınıŋ baspasöz qyzmetı jol-kölık oqiǧasynyŋ 18 mamyrda tırkelgenın habarlady.
Jaiau jürgınşını qaqqan moped jürgızuşısıne ekı ai būryn eskertu de jasalǧan.
Adam ölımıne sebepker bolǧan jol-oqiǧasyn jasaǧan moped jürgızuşınıŋ jasöspırım ekenı anyqtalyp otyr. Biylǧy nauryz aiynda būl jasöspırımnıŋ osyndai qūqyq būzǧany üşın zaŋdy ökılıne äkımşılık hattama toltyrylǧan. Alaida, jasöspırım eskertuge qaramastan moped jürgızudı jalǧastyrǧan.«Kündızgı saǧat 15:25 şamasynda İnder audanynyŋ Bödene auylynda moped kölık qūraly jaiau jürgınşını qaǧyp qūlatqan. Jol-kölık oqiǧasy saldarynan jaiau jürgınşı İnder audandyq ortalyq auruhanasynyŋ jansaqtau bölımıne jetkızıldı. Bıraq, zardap şekken jasöspırım auruhanada qaitys boldy», - delıngen departament baspasöz qyzmetınıŋ habarlamasynda.
Ūqsas jaŋalyqtar
